Апгар тестот се прави веднаш по раѓањето и неговата цел е да се процени здравјето на бебето и да се идентификуваат сите потенцијални проблеми.
Кога ќе се роди бебето, медицинскиот персонал ја прави првата проценка на виталноста. Најважно е да не очекувате премногу прерано, затоа што не сите бебиња ги постигнуваат најдобрите оценки во првата минута. Овој тест покажува дали на новороденчето му е потребна некоја медицинска помош веднаш.
Апгар тестот укажува на способноста на прилагодување на новороденчето. Кај повеќето новороденчиња доволни се овие две проценки на Апгар во првата и петтата минута од животот. Меѓутоа, доколку е потребно (а тоа е случај кај децата кои не се витални и бараат процедури за реанимација), проценката се продолжува по 10, 15 и 20 минути
Тестот е развиен од анестезиологот Вирџинија Апгар во 1952 година, а се спроведува во современите болници ширум светот – се мерат пет вредности: боја на кожа, дишење, мускулна напнатост, одговор на дразби и срцева активност.
Секој показател се оценува од 0 до 2, а вкупно може да се постигнат 10 поени. Проценката се прави по првата минута, а потоа пет минути по раѓањето. Понекогаш резултатите од првиот тест може да бидат послаби. На пример, ако бебињата се родени предвреме или со царски рез, тие понекогаш имаат пониски резултати од просечните, особено на првиот тест.
Значи, типичен резултат на Апгар тестот е од 8 до 10. Секој резултат кој е помал од 6 им укажува на лекарите дека на новороденчето му е потребна итна медицинска помош. Тоа може да бидат едноставни процедури како што се ослободување на дишните патишта или давање кислород за активна реанимација. Малку понизок резултат (особено ако се прави во првата минута) е вообичаен, особено кај родените бебиња:
- царски рез
- по ризична бременост
- по породување со компликации
- кај предвремено родени бебиња
Секој резултат на Апгар тестот под 7 укажува на тоа дека на бебето му е потребна медицинска помош и дека можеби страдало од недоволна оксигенација за време на породувањето. Колку е помал Апгар резултатот, толку повеќе му е потребна помош на бебето да се прилагоди на независно дишење надвор од матката.
Апгар тестот укажува на способноста на прилагодување на новороденчето. Кај повеќето новороденчиња доволни се овие две проценки на Апгар во првата и петтата минута од животот. Меѓутоа, доколку е потребно (а тоа е случај кај децата кои не се витални и бараат процедури за реанимација), проценката се продолжува по 10, 15 и 20 минути.
Секој резултат на Апгар тестот под 7 укажува на тоа дека на бебето му е потребна медицинска помош и дека можеби страдало од недоволна оксигенација за време на породувањето. Колку е помал Апгар резултатот, толку повеќе му е потребна помош на бебето да се прилагоди на независно дишење надвор од матката
„Апгар резултатот укажува на брзината и способноста на новороденчето да се прилагоди на вонутерините услови за живот. Притоа повеќето витални новороденчиња постигнуваат Апгар резултат од 8 до 10“, вели д-р Анита Павичиќ Бошњак, специјалист педијатар на Одделот за неонатологија на Клиниката за гинекологија и акушерство при КБ „Свети Дух“ во Загреб.
Ако вашето бебе има низок резултат на Апгар тестот, нема потреба од паника. Со други зборови, ако вашето бебе е родено со низок Апгар резултат, тоа не мора нужно да значи дека бебето не е здраво или е лошо. Повеќето деца родени со низок Апгар резултат немаат долгорочни или трајни последици или проблеми.
