Познато е дека нутриционистите повеќе се занимаваат со сложениот проблем на обезност или прекумерна телесна тежина кај децата, помагајќи им здраво да се хранат и редовно да вежбаат, но исто така може да им помогнат и на родителите кои се загрижени што нивното дете е многу слабо. И слабите деца може да бидат предмет на исмејување, а можни се и здравствени проблеми. Секако, некои деца се природно послаби, а нивниот забрзан метаболизам не мора да биде знак за некои хронични болести или нарушувања во исхраната. Но, ако вашето дете нагло ослабело или не добива на телесна тежина, секако посоветувајте се со лекар.
КОГА “ТЕНКОСТА“ СТАНУВА ПРОБЛЕМ?
Ако сте загрижени поради телесната тежина на вашето дете, лекар или нутриционист ќе го процени детето со помош на неколку критериуми.
- Дали родителите се слаби? Дете кое е генетски предиспонирано да биде тенко се разликува од повеќето деца на иста возраст.
- Дали тежината на детето е константно мала или неодамна ослабело?
- Какви се прехранбените навики на вашето дете и општото здравје?
- Дали детето во брзо време имало некаков здравствен проблем поврзан со повраќање илипролив?
- БМИ (индекс на телесна маса)
Факторите кои може да влијаат на губење на тежина или недостаток на раст може да вклучуваат инфекции, алергии на храна, цревни, ендокринолошки, срцеви, белодоробни и проблеми со црниот дроб. Детето треба да помине комплетни испитувања за да се исклучат споменатите болести.
Лекарот ќе го измери детето со помош на графикон на раст посебно дизајниран за мерење на индексот на телесна маса. Детската БМИ формула, како фактори вклучува пол и возраст, се проценува составот на телото, бидејќи така ќе може да се провери дали БМи на вашето дете е пропорционално или не.
Ако детето има помала телесна тежина, лекарот детално ќе ги изнанализира прехранбените навики на вашето дете за да открие дали можеби постојат пропусти во исхраната.
Освен тоа, ако детето правилно јаде, а не добива на тежина, тогаш веројатно ќе се направат тестови за да се види дали постојат медицински причини за проблемот со тежината.
