Ниту еден родител не е совршен, ниту еден метод на родителство не дава 100 проценти резултати. Некои методи, кои се сметале за многу ефикасни, подоцна покажале многу слаби точки. Одгледувањето е процес, всушност запознавање на детето и родителите преку различни животни предизвици, меѓусебно почитување и љубов на дневна основа, а во тој процес не се менуваат само децата туку и родителите.
Добро е кога во воспитно-образовниот процес родителите се отворени да ги осознаат своите грешки, а за да ви помогнеме да ги согледате, донесуваме шест работи за кои е докажано дека долгорочно имаат лоши последици.
- Дисциплинирање пред други
Ако сакате јавно да му одржите лекција на детето, не само што на тој начин ќе го понижите детето пред сите, туку тоа нема ни да слушне што сакате да му кажете затоа што ќе размислува кој се можел да го слушне вашиот разговор и што околината ќе мисли за него.
- Испраќање неразбирливи и нејасни инструкции
Кога му поставувате граници на однесувањето на вашето дете, бидете јасни за тоа. Во исто време, почекајте го одговорот за да се уверите дека детето точно разбрало што е дозволено, а што не.
- Поткуп со награди
Ако мислите дека ќе го убедите детето да се однесува на одреден начин со ветувања или награди, откажете се од оваа метода. Тоа е всушност поткуп, а единственото нешто што можете да го добиете за возврат е вашето малечко да ја научи уметноста на манипулација и со своето однесување да добие се што сака од вас.
- Игнорирање на знаци на глад и замор
Ако забележите дека неприфатливото однесување на детето е резултат на замор или глад, одложете го дисциплинирањето. Смирете го детето и прво задоволете ги неговите потреби. Кога ќе бидете сито и одморено, вратете се на темата.
- Премногу долги објаснувања
Кога сакате да му објасните на детето што згрешило, изберајте кратки и јасни реченици и не правете вашето објаснување да трае вечно.
- Викање на дете
Децата не можат да прифатат лекција ако викате на нив. Или се повлекуваат во себе или се лутат и целата ситуација излегува од контрола. Решавајте ги проблемите со мирен и трпелив тон иако детето плаче, вика и се фрла на под, а по неколку месеци и вие и детето ќе бидете посмирени и повнимателни.
