Летните месеци се пред нас, горештините веќе почнаа, па повторно се поставува прашањето дали можеме да го оставиме детето само во автомобил барем една минута. Родителите обично го прават тоа кога плаќаат гориво на бензински пумпи или кога одат во продавница да купат нешто ситно. Мајките се поделени во мислењата – некои мислат дека е во ред да оставиш дете во автомобил паркиран под сенка да оди „за секунда“ да плати бензин, но други се категорично против тоа.
Експертите апелираат никогаш да не оставате дете без надзор во автомобил, бидејќи температурата во него може да се загрее до опасни вредности дури и во студените денови. Имено, за само 5 минути температурата во автомобилот може да се удвои. Постои опасност од тоа детето да го заклучи автомобилот одвнатре, па нема да можете да стигнете до него.
Зошто е опасно да оставите дете само во автомобил?
- Топлотен удар, дехидрација, гушење и смрт се главните ризици од оставање на децата во автомобил.
Што да направите ако вашето дете или туѓо дете е извесно време само во автомобилот, особено кога надвор се високи температури?
- Ако вашето дете случајно се заклучило или ако видите туѓо дете без надзор во автомобилот, можете да повикате помош на пат или полиција
- Ако детето изгледа прегреано, изгледа вознемирено или ви се чини дека подолго време е заклучено во автомобилот, повикајте Брза помош.
- Додека не пристигне брзата помош во случај на дехидрација, дајте му на детето течности
- Ако детето се прегреело, отстранете го од него вишокот слоеви облека, изладете го со шамивче натопено во вода доколку имате во близина.
- Ако детето е без свест и не дише нормално, веднаш започнете со процедура за реанимација.
Како да се спречат ваквите ситуации?
- Никогаш не оставајте дете без надзор во автомобилот, дури и за една минута
- Никогаш не дозволувајте детето да си игра со вашите клучеви
- Секогаш држете го автомобилот заклучен кога не сте во него за вашето дете да не влезе само во него
- Разговарајте со детето дека не си игра со копчињата во автомобилот
- Ако не можете да го најдете детето, секогаш проверете да не се сокрило во автомобилот.
ВАЖНО!
Децата се почувствителни на високи температури, нивното тело може да се загрее 3 до 5 пати побрзо од телото на возрасен. Затоа се изложени на ризик од срцев удар, дехидрација и смрт!
