Повеќето жени не би ризикувале породување надвор од болница поради страв од компликации, но мајка на четири деца, Руди Напиер од Невада немала избор.
Всушност, во нејзиниот случај не зборуваме ниту за породување во домашни услови, туку за породување во автомобил, на фреквентен пат, со нејзините три деца на задното седиште.
Откако Руди добила породилни болки, нејзиниот сопруг Мајкл Ентони ја сместил неа и нивните три деца во автомобилот и тие се упатиле кон болницата. Но, бебето одлучило да го изненади целото семејство. Болките почнале да стануваат поинтензивни, а за помалку од 5 минути малата Џоли го видела светот.
Освен што го возел автомобилот, таткото Мајкл успеал да и помогне на сопругата при породувањето и да и дава упатства што да прави, додека децата на задното седиште плачеле во паника. Дека се работи за среќен настан им било јасно дури кога ја виделе својата помала сестра и се увериле дека се е во ред и со мама и со бебето.
Моментот кога мајка се породила на предното седиште во автомобил го снимил нивниот 10-годишен син.
