Д-рДобринка Наунова-Јовановска, инфектолог и главната сестра Габриела Темелковска од Клиниката за инфективни болести и фебрилни состојби први ја примија вакцината против КОВИД-19, со што конечно започна процесот на вакцинација против коронавирус и во нашата земја.
За денеска предвидено е вакцинирање на 260 здравствени работници. Во следните денови вакцини ќе примат и вработените во ковид центрите во Скопје и низ државата, како и приватните болници
„Тие се медицински лица со значајно искуство и огромен придонес во борбата против вирусот. Им се заблагодарувам за пожртвуваноста во целиот изминат период грижејќи се неуморно за нашите пациенти, деца, роднини и пријатели. Во знак на почит, вакцинацијата ја почнуваме токму со здравствените работници од ковид центрите. Ги заштитуваме затоа што се во првите борбени линии и ни се потребни во работата!“, истакна министерот за здравство доц. д-р Венко Филипче.
Д-р Добринка и главната сестра Габриела се чувствуваат добро и упатија порака дека ова е единствениот начин за да ставиме крај на пандемијата.
„Направивме добра организација, еднаш кога ќе почне имунизацијата да не запре. За денеска предвидено е вакцинирање на 260 здравствени работници. Во следните денови вакцини ќе примат и вработените во ковид центрите во Скопје и низ државата, како и приватните болници. Целиот здравствен персонал којшто е пријавен ќе биде вакциниран. Останатите 4000 вакцини од Србија ги очекуваме следната недела. Верувам дека ќе имаме успешен процес на вакцинација“, додаде д-р Филипче.
