Наскоро започнува новата учебна година, а преминот од летен распуст во нова рутина, повеќе обврски и се што доаѓа со есента за некои деца може да биде премногу исцрпувачки, исто како и за нивните родители. Затоа е важно доволно рано да се започне со воведување промени во животната рутина, што ќе им овозможи на децата и родителите оваа транзиција да ја направат што е можно помалку стресна за сите.
Професионалната клиничка советничка, Клаудија Сковрон, за „Psychology Today“ издвојува неколку начини на кои родителите можат да им го олеснат почетокот на новата учебна година на своите деца, но и на себе.
Дозволете му на детето само да избере училишен материјал, облека за првиот ден итн.
Како родителите можат да им олеснат на децата?
Сковрон издвојува неколку совети кои родителите можат да ги применат за да го направат почетокот на новата учебна година што е можно полесен и без стрес. Нејзините методи вклучуваат оставање можност на децата да изберат нешто сами за себе, организација и слично. Еве што таа истакнува:
- Започнете со циклус на спиење-будење што ја имитира училишната рутина најмалку една недела пред почетокот на училиштето.
- Пофалете го позитивното однесување при враќање на училиште, но исто така потврдете ги и грижите на вашето дете.
- Разговарајте за преминот од летниот распуст на почеток на школската година и што може да очекувате во тој период.
- Дозволете му на детето само да избере училишен материјал, облека за првиот ден итн.
- Охрабрете ги да бидат организирани. Нека ја започнат учебната година со чиста и уредна спална соба, нека си ја организираат училишната чанта и работната маса и нека направат некои подготовки на компјутер.
- Наместо да поставувате отворени прашања како: „Како беше на училиште денес?“, поставете им прашања како: „Што научи денес? или „Со кој соученик најмногу разговараше денес?“
Два начина на кои родителите можат да си го олеснат овој период
Како што објаснува советничката, „на родителите апсолутно им е потребен излез за сопствените грижи, но тоа треба да го прават подалеку од детето“. Исто така, може да биде уште поголем предизвик да се намали претераното генерализирање и антиципативна анксиозност.
Охрабрете ги децата да бидат организирани. Нека ја започнат учебната година со чиста и уредна спална соба, нека си ја организираат училишната чанта и работната маса и нека направат некои подготовки на компјутер
„Претераното генерализирање е когнитивно искривување кое води до верување дека само затоа што нешто се случило еднаш или неколку пати, тоа ќе продолжи да се случува на ист начин. Исто така, постои антиципативна анксиозност што го тера поединецот да се грижи за нешто што ќе се случи во иднина, а што можеби не е релевантно денес или во овој момент“, објаснува таа за „Psychology Today“.
Советничката смета дека е важно родителите да научат „да управуваат со претераното генерализирање и да дозволат секоја нова учебна година да биде свој настан наместо да размислуваат за минатите искуства“. Иако е корисно да се процени што функционирало минатата година, а што не, важно е да не се претпоставува дека лошите ситуации нужно нема да се случат во иднина.
„Ова ни овозможува да бидеме посвесни и пофокусирани на сегашноста. Не ги негираме нашите грижи, туку едноставно ги ставаме настрана и ги „собираме“ кога се поважни“, заклучува Сковрон.
