Секој родител сака неговото дете да се храни здраво и додека понекогаш тоа може да изгледа како обесхрабрувачка задача, нова студија студија објавена во списанието “Journal of Nutrition Education and Behavior”, открила едноставна стратегија.
Во обид да откријат најдобар можен начин да децата од предучилишна возраст се навикнат на консумирање на поздрава храна, истражувачите на деца од 98 семејства им нуиделе домати, пиперки, леќа и киноа.
По шестнеделната студија, истражувачите откриле дека децата повеќе сакале да испробуваат нови намирници ако тие биле проследени со некој прехранбен предизвик. Односно, со пријателска, а истовремено здравствено точна реченица како:
- “Житарките од цело зрно помагаат побрзо да трчаш и да скокаш повисоко“
- “Овошјето и зеленчукот ти помагаат да не се разболиш“
- “Протеините ти помагаат во учењето“
Истражувачите откриле дека тие специфични фрази биле поефикасни кај малите деца, за разлика од изговарање на нешто нејасно од типот: “ова овошје е добро за тебе“, бидејќи е премногу апстрактно за детето да го разбере.
“Разговорите за време на оброкот може да бидат време за поттикнување и развивање на здраво прехранбено однесување кај малите деца. Да му кажете на детето дека храната е добра за него, не е така ефикасно како кога ќе му кажете дека нешто ќе му помогне побрзо да трча или да скока повисоко“, објаснила д-р Џејн Логан, водач на студијата.
