Родителството е и прекрасно и напорно, имале едно, две или четири деца. Секое семејство е различно и секое дете е различно. Она што за некои е премногу, за други е доволно. Одговорот на прашањето колку деца е оптимално, се крие во секое семејство за себе, а едно истражување покажало која е бројката на деца што создава најголем стрес кај мајките.
Три е најстресно
Една институција спровела истражување на над 7.000 мајки во САД, а резултатите покажуваа дека три дева е најстресно за мајката, многу постресно од две деца. Истражувањето исто така покажало дека нивото на стрес кај мајките кои имаат четири деца е значајно пониско.
Ако се гледа математички, со три деца, вие и партнерот сте во малцинство. Со две сте можеле да се поделите, но со три е многу потешко, особено кога се мали и кога им требате постојано.
Има повеќе од се
Со три деца на почетокот се може да биде комплицирано. Веројатно ќе имате потреба за поголем автомобил или поголем станбен простор. Се ќе има повеќе, и трошоци и потреба за ваша близина, а најмногу врева.
Сепак, мајките на три деца истакнуваат дека и љубов има значајно повеќе и дека поради тоа вреди целиот труд и стрес. Со третото дете родителите се многу поопуштени, повеќе се познаваат себеси како родители и знаат доволно за децата, па пристапот е поинаков.
