Најубавни моменти се оние во кои се чувствуваме вистински поврзани со децата. Се галиме, разговараме, смееме и уживаме во нивното присуство. Сепак, забрзаниот начин на живот таквите моменти често ги сведува на неколку минути дневно. Психологот Лаура Маркам, предлага неколку едноставни навики кои можат да ни помогнат во поврзување со децата.
- Гушкајте, гушкајте и уште малку гушкајте го своето дете
Нека прегратката бие првото нешто што ќе му го дадете на вашето дете кога ќе се разбуди и последно што ќе го добие пред спиење. Гушкајте кога ги испраќате во градинка, кога повторно ќе се сретнете, кога ќе ги видите како цртаат.
Поминете низ нивната коса, почукнете ги по грбот, измасирајте им ги рамената. Гледајте ги во очи, подарете им насмевка секој ден. Допирите не зближуваат повеќе од било кој збор.
- Играјте си
Играњето со деца не треба секогаш да биде на подот, со играчки. Можете да играте на различни начини. Бебињата и малите деца ќе уживаат во едноставни игри на криенка, заедничко правење на смешни звуци, скокоткање, менување гласови и слично.
Со постарите деца можете да пробате различни игри со преправање и игри со глума. Измислувајте зборови, играјте готвач, поштар, фризер. Игрите не мора да траат долго, важно е да сте целосно присутни во нив.
Исклучете го мобилниот и компјутерот кога сте со децата
Без ова, нема вистинско и реално поврзување со детето. Во моментите на посветеност, тргнете ги сите уреди што ве влечат кога ќе ги погледнете. Слушајте го вашето дете и подарете му се себе без вонемирувања.
Дури и гасењето на музиката додека се возите во автомобилот може да биде добар начин за поврзување со детето, бидејќи отвора можност за разговор.
- Бидете на само со секое од децата
Најмалку 15 минути дневно подарете му на вашето дете време само за вас двајца. Ако имате повеќе деца, настојувајте тоа да го правите со секое од нив, секој ден.
Понекогаш оставете детето да ве води и да одлучи како ќе го поминете тоа време, а понекогаш вие превземете го кормилото и предложете заедничка активност.
- Прегрнете ги детските солзи и емоции
Вашето дете мора да ги изрази сите свои емоции во спротивно тие значително ќе влијаат на неговото однесување. Прегрнете ги неговите солзи, стравови и слични предизвикувачки моменти со љубов и гледајте на нив како на можност за поврзување.
Опремете се со трпение и благост и дајте му на детето прилика да го изрази се што седи во него. Покажете му сочувство и нека почувствува дека сите негови емоции се здрави и добредојдени.
- Слушајте и сочувствувајте
Поврзувањето почнува со слушање. Учејќи ги сите доживувања на работите од перспектива на детето, ќе и помогне подобро да го сфатите и повеќе да го почитувате него и неговиот свет.
- Забавете и впивајте ги моментите
Секој контакт со детето во текот на денот може да биде можност за поврзување. Не чекајте вечер или посебни моменти, туку најдете убавина во секој заеднички момент. Без разлика дали ќе ги миете рацете заедно, ќе подготвите појадок или ќе редите коцки заедно детето, по којзнае кој пат тој ден.
Забавете и бидете присутни. Помирисајте ја косата на вашето дете, погледнете го во очи и подарете му го вашето вистинско присуство. На прошетка, застанете покрај цветот и помирисајте го. Набљудувајте ја природата заедно. Учете од детето како се прави тоа, како да бидете во моментот и во него да уживате во целост.
