Сончаницата е чест проблем во лето кај возрасните, како и кај децата. Се случува по предолго изложување на сонце, во време кога сонцето е најсилно, а до неа доаѓа поради дејство на топлината на крвните садови.
Сончаницата кај децата може да се развие и поради недоволен внес на течности. Важно е да се придржувате до предупредувањата за да не дојде до сончаница, како и веднаш да делувате при појавата на првите симптоми.
Зошто доаѓа со сончаница кај децата?
Телото се лади само преку потење, но при висока топлина или влажност овој систем може да затаи и телото да не ја регулира температурата, па почнува да се прегрејува. Телесната температура во овој случај достигнува и до 40 степени Целзиусови.
Сончаницата кај децата и доенчињата лесно може многу лесно да се појави поради нивната постојана активност на сонце и не пиење течности, а пред се поради недоволно развиениот систем за греење и ладење на телото.
Исто така, до сончаница ќе дојде и кога детето е оставено во затворен загреан автомобил подолго време во летните месеци.
Симптоми на сончаница кај децата
Сончаницата кај децата може да се препознае по неколку симптоми:
- силна главоболка
- слабост
- вртоглавица
- мачнина
- забрзано чукање на срцето
- кожа топла и сува на допир
- несвестица
- намалено потење
- проблеми со ориентација
- напади
Симптомите може да се појават веднаш, но и неколку часа по изложувањето на сонце.
Што да направите кога детето има сончаница?
Кога ќе се појави било кој симптом, потребно е што поскоро да се тргне детето од сонце под сенка, да се соблече и да се обидете да го разладите со студена (не премногу ладна) вода со ставање облоги. Доколку детето е свесно и нема развиено тешки симптоми, треба да му се дава вода полека, во голтки. Треба да се следи однесувањето на детето и често да се мери телесната температура, и кога ќе се намали под 38 степени можете да престанете да ставате облоги.
Ако симптомите не се повлекуваат, а на детето му е се полошо, потребно е да повикате Итна помош што побрзо, бидејќи сончаницата за децата може да биде и смртоносна.
