Родителството влијае на пријателството и може да изгледа дека вашата пријателка одеднаш зборува сосема друг јазик и не е ни близу до онаа старата, откако станала мајка. Ова е делумно точно затоа што мајчинството навистина ја менува структурата на мозокот,а потребно е и време жената да се навикне на своето ново јас и улогата што носи толку многу работи. Иако пријателството може да се промени, тоа не мора да заврши со доаѓањето на децата. Нека пријателствата станат уште посилни, но потребно е меѓусебно разбирање и трпение. Една мајка споделува што сакаат родителите да знаат нивните пријатели без деца.
- Се уште ве сакаме
Не се сомневајте во нашата љубов. И понатаму сте ни еднакво важни како и претходно. Не потсетување на прекрасните моменти на заедничко растење и дружење. Дури и ако не наоѓаме време доволно често да ви го велиме тоа, знајте дека е вистина.
- Сакаме почесто да се слушаме, но не стигаме
Со најголема желба би сакале да седнеме во фотелја, да земеме шолја чај и да ви се јавиме за да разговараме за се и сешто на мир. Сакаме да ги слушнеме сите новости и интересни работи, но не можеме. Голема е веројатноста дека веднаш штом ќе се јавите, бебето ќе почне да плаче или ќе му треба пресоблекување. Ќе мораме да ве прекинеме и тоа ќе ве фрустрира и вас како и нас. Едвај чекаме децата да пораснат за почесто да се слушаме.
- Малку сме љубоморни на вас
Животот со деца е прекрасен. Срцето толку многу ти нараснува да не можеш да веруваш дека е можно. Уживаме да поминуваме време со бебето, но тоа не значи дека не сме помалку љубоморни на вашиот живот без деца и на слободата што ја имате. И ние би сакале да погледнеме добра претстава, да отидеме на концерт и дружење и само малку да одмориме од се.
- Нашите деца зависат од нас
Знаеме дека ви недостасуваме, бидејќи и вие ни недостасувате нам, но навистина сме им потребни на децата. Не знаат сами да јадат, да се искапат или да променат пелена. Нема засекогаш да биде вака, но сега не можеме некому да ги препуштиме. Можеби ве излудува тоа што секогаш ги носиме со нас, но или се со нас, или не можеме да излеземе.
- Ни помагате да се чувствуваме свои
Лесно е да се изгубиш во родителството. Кога постојано се фокусиран на туѓите потреби, понекогаш забораваш кој си и што сакаш. Тешко е да се остане доследен на себе кога немаш премногу време да посветиш на работите што ги сакаш. Но, кога тоа ќе се случи, знаеме дека неколку часа со вас ќе бидат доволно повторно да се чувствуваме свои. Неизмерно сме ви благодарни на тоа.
- Сакаме да сте дел од живото на нашите деца
Ние сакаме да бидеме ваши пријатели и затоа сакаме нашите деца да ве имаат во нивните животи. Сакаме да ве видат како што ние ве гледаме и да уживаат да бидеме со вас. Затоа ве молиме дојдете на нивните роденденски забави, најдете време да бидете со нив и да развиете однос. Тоа многу ни значи и знаеме колку ќе бидат среќни ако ве имаат покрај нив.
