Во пресрет на велигденските празници, Ники Јуркуц, која работи како извршен директор на родителската организација „Tiny Hearts Education“, предупреди дека популарните велигденски чоколадни јајца претставуваат опасност од гушење за малите деца.
Малите деца треба да бидат надгледувани цело време додека јадат
Таа додава дека поради нивната големина, слично на грозјето, може да предизвикаат задушување, т.е. можат да се заглават во дишните патишта на детето. Наместо тоа, Ники, предлага да се купат поголеми јајца кои се шупливи внатре затоа што лесно можат да се искршат на помали парчиња. Тоа значи дека тие се далеку помалку опасни за децата, што ги прави подобар избор за Велигден.
„До 85 проценти од смртните случаи од гушење се предизвикани од храна“, напиша Ники на Инстаграм страницата на „Tiny Hearts Education“. Задушувањето за жал се случува тивко и брзо, а во Австралија гушењето сочинувало 11 проценти од смртните случаи на деца помлади од осум години минатата година, покажала студијата на „Лајф Вак Австралија“.
Ники исто така потсетува дека малите деца треба да бидат надгледувани цело време додека јадат. Нејзиното предупредување привлече илјадници лајкови откако беше пренесено пред само неколку дена, а многу родители и се благодарни на советот. Многумина признаа дека никогаш не сфатиле колку всушност можат да бидат опасни мини јајцата.
