Грипот и настинките се сезонски болести кои секоја година погодуваат голем број деца. Најдобра превенција секако е јакнење на имунитетот за организмот да може сам да се одбрани кога ќе дојде во контакт со заразата или со заболено лице. Симптомите на грип и на настинка траат околу една недела, а освен кашлицата, болката во грло, температурата и течењето нос, еден од симптомите е и заморот.
Ова се практични совети за природно јакнење на имунитетот и заштита на децата од сезонските болести.
- Избегнувајте гужва
Избегнувањето на гужви, метеж особено преку викендите не е едноставно, но ако можете ограничете го контактот со голем број луѓе во текот на сезоната на грип, оти така можете да го намалите ризикот од зараза.
- Редовно миење раце
Со оглед дека вирусот на грип може да преживее на тврди површини до 24 часа, се советува редовно миење на рацете кај децата. Укажете им дека со валкани раце треба што помалку да ги допираат очите, усните и носот.
- Чистење на површините
Ризикот од ширење на зараза може да се намали со одржување на заедничките површини во домот чисти. Послужете се со средства за дезинфекција и ако е потребно повторувајте ја постапката два пати во текот на денот.
Најдобар и најефикасен начин за избегнување на настинка и грип е дневно внесување на витамини во исхраната на детето, особено на витамините А, Б и Ц, како и елементите селен и цинк. Сето тоа допринесува за нормална функција на имуниот систем, бидејќи станува збор за антиоксидантен ефект кој ги неутрализира слободните радикали. Полифенолите од друга страна, делуваат антивирусно.
