Не плачи, ти си машко. Солзите се само за девојчиња. Не смееш да покажеш дека се плашиш, сите ќе ти се смеат. Мораш да научиш да се тепаш, да се браниш. Тоа е женска боја, за момчињата е сина, а не розева.
И така момче кое расте со вакви “правила“, не плаче, но ниту на друг начин не ги открива своите чувства. Неретко расте во човек без емоции, има симптоми на потисната агресија или оваа особина ја искажува многу отворено. Општеството на грубите момчиња често гледа со повеќе разбирање, отколку на нежните кои заплакуваат штом нешто ги заболи, кои се воздржуваат од насилство и носат бои кои им се допаѓаат.
Како да се воспитува момче и како да се направи баланс, да му се помогне на детето да биде и емотивно и храбар “војник“. Педагозите напоменуваат дека семејството во кое расте момчето е платформа за идниот живот.
“Мајката е најважната личност за момчињата. Но, примери кои се насочени кон родителите и најблиското опкружување на детето, се преместуваат на друштвото на врсниците и подоцна на потесниот и поширок круг во кој тоа престојува или во кој припаѓа“, велат педагозите.
Од момчето се очекува се: културен, добар, способен, храбар, нежен…
Сите очекуваме дека момчето ќе биде паметно, чувствително, внимателно, добро, културно, искрено, емпатично, снаодливо, добар пријател, шармантен, храбар, нежен, доследен, да ги почитува жените. Тоа е широкиот список на очекувања.
Кои се примери за младите луѓе? Дали тие сами се воспитуваат или ние успеваме да ги воспитаме во одредена насока? Како на здрав начин да се израсне нежно дете?
“Треба да се сака и да му се покажува нежност, но и да му се дадат одредени обврски, да се научи да домашни обврски, да води сметка за својот изглед и однесување, да гледа примери за добра пракса од животот, филмови и книги. Да гледа позитивни форми на однесување кон жените и тоа како се однесуваат другите мажи, не само во форма на мускулна маса“, додаваат експертите.
Според нив, покрај тоа што детето треба да набљудува како се однесуваат другите луѓе, важно е да учи и од природата, науката, да се занимава со спорт.
“Тоа за момчињата е многу важно, да се дружат и надвор од дома, да енергијата која е поинаква од женската, ја исфрлат за да не бидат агресивни, да се вклучат во некој тим.
