Мутацијата на новиот коронавирус која е се почеста во Европа, а која неодамна е откриена и во Малезија, веројатно е позразана, но се чини дека е помалку смртносна, смета Пол Тамбуа, угледен лекар и специјалист за зразани болести во Сингапур.
Според проф. Тамбуа постојат докази според кои ширењето на мутацијата на новиот коронавирус D614G во Европа се поклопува со падот на стапката на смртност, што може да укажува на тоа дека таа е помалку смртоносна.
Тој додава дека мутацијата веројатно нема да влијае на ефикасноста на потенцијалната вакцина и покрај спротивните предупредувања на некои здравствени стручњаци.
“Можеби е добра работа вирусот да е позаразен, но истовремено помалку смртоносен“, вели Тамбуа со објаснување дека повеќето вируси обично стануваат помалку вирулентни откако ќе мутираат.
“Во ‘интерес’ на вирусот е да зарази што повеќе луѓе, но не и да ги убие, бидејќи вирусот зависи од својот домаќин на чии клетки се прицврстува. Со оглед на тоа дека сам нема клеточни делови, во целост зависи од механизмот на создавање енергија и белковини на клетките на домаќинот“, вели тој.
Научниците мутацијата ја открија уште во февруари, кога, според податоците на Светската здравствена организација, циркулирала во Европа и Америка. СЗО исто така информираше дека нема докази дека мутацијата резултирала во потешка форма на болеста.
