За родителите, сè што може да им помогне на бебињата да заспијат е добредојдено. Белите звуци, кои потсетуваат на звуците од матката, понекогаш може да им помогнат и на возрасните да заспијат побрзо, а исто така се корисни за бебињата се додека родителите ги користат правилно.
Иако уредите кои емитираат бела бучава постојат со децении, последниве години им е зголемена популарност бидејќи им помагаат на бебињата да заспијат побрзо и да заспијат подолго. Студија објавена во 1990 година во „Archives of Disease in Childhood“ открила дека од 40 бебиња, 80 проценти заспале во првите пет минути од слушањето на бел шум.
Според педијатарката Даниеле Грант, белиот шум може да ги смири бебињата и да блокира некои звуци во домот, што може да го намали плачењето и да им помогне да заспијат.
„Тоа им овозможува да се фокусираат на еден звук наместо на бучавата што можеби ја создаваат помладите деца, удирањето на чинии и тенџериња и тави и слични работи“, вели д-р Грант.
Кои се ризиците од белите звуци?
Белиот шум може да биде корисен, но д-р Грант вели дека е важно родителите да се сигурни дека уредот што го емитува е поставен на соодветна гласност.
Целното ниво на бучава за повеќето новороденчиња е под 50 децибели. Бидејќи некои од овие уреди може да емитуваат ниво на децибели многу повисоко од 50, се препорачува родителите да ја прилагодат поставката за децибели или да го постават уредот неколку метри подалеку од креветчето на бебето. Американската академија за педијатрија препорачува уредите за бучава да се чуваат седум метри подалеку од местото каде што бебето спие.
На крајот, одлуката дали да ќе користите или не бели звуци зависи од тоа дали имате перцепција дека му помагаат на вашето бебе или не. Според д-р Грант, некои бебиња можеби едноставно не ги сакаат.
