Повеќето родители даваат се од себе кога станува збор за воспитувањето. Сепак, понекогаш може да се чувствуваме како ништо што правиме да не е доволно добро. Лесно е да се посомневаме дека можеби не ја работиме нашата работа најдобро што можеме, но семејната и брачна советничка Тина Феј открива пет знаци дека всушност сме подобри родители отколку што мислиме.
1. Ги сакате своите деца без разлика на се
Целта на повеќето родители е да пораснат успешни и среќни деца, но понекогаш работите во процесот можеме премногу да ги закомплицираме.
„Можеби ќе се чувствувате виновни ако не можете да си дозволите приватни училишта, најнови мобилни телефони или безброј хоби и активности за кои се надевате дека ќе им го збогатат животот. Но, децениските истражувања откриваат дека најважниот фактор во доброто родителство е можеби најскромниот: љубов“, наведува Феј.
Таа тврди дека, ако безусловно ги сакаме децата, тоа е доказ дека сме одлични родители.
2. Подготвени сте да ги ставите на прво место
Ништо не не учи на несебичност како родителството“, вели експертката. Таа тврди дека ако сме подготвени да се откажеме од одредени работи за да ги ставиме нашите деца на прво место, тоа докажува дека веројатно сме подобри родители отколку што мислиме.
3. Не ги решавате сите нивни проблеми
„Интересно, ова може да биде една од работите што нè прават да се чувствуваме како да ги изневеруваме нашите деца, но е токму спротивното“, нагласува Феј. Кога нашите деца имаат проблем, ние често сакаме веднаш да најдеме решение за нивните грижи. Но, Феј истакнува: „Спротивно на она што може да го чувствувате понекогаш, всушност не е ваша работа да ги заштитите вашите деца од апсолутно сите потешкотии“.
4. Им влевате доверба
„Ако сте тука за вашите деца на крајот од денот, без разлика на се, тогаш сте одличен родител“, забележува советничката. Меѓутоа, основната работа што го прави некого доверлив не е совршено однесување цело време. Доследноста е клучна, вели Феј.
„Студија на експерти од Универзитетот во Волонгонг покажува дека на децата им е потребна доследност од нивните родители. Тоа се работи како стабилност и рутина во домот, но и доследна дисциплина и поставување граници“, додава таа.
5. Сакате да одвоите време за себе и понекогаш сакате малку одмор од децата
„Вината е доминантната емоција што ја доживуваат многу родители. Претходно споменавме дека ако ги ставите децата на прво место ве прави добар родител, но тоа не значи дека ги игнорирате вашите сопствени потреби“, забележува Феј. Важно е да се одвои време за себе без разлика колку ги сакаме нашите деца.
„Тоа е всушност позитивен знак бидејќи се работи за проактивна грижа за вашето ментално здравје“, заклучува Феј.
