Родителите со срамежливи деца знаат колку е тешко да го остават своето вознемирено дете во училиште, градинка и да видат дека му е непријатно да се вклучи во игра или да слушне дека има проблеми со создавање пријателства. Да знаете како да му помогнете на срамжеливо дете да се дружи и социјализира е важен дел од родителското воспитување и обезбедува вашето дете да научи удобно да се чувствува во социјални ситуации. Иако нема ништо лошо во страмежливоста, стручњаците велат дека децата мораат да знаат како да се справат со тоа.
- Не го етикетирајте детето
Избегнувајте етикетирање на детето со зборовите од типот “тој е најсрамежлив од сите“, “таа е нашата мала принцеза“. Кога сме етикетирани, тоа не дефинира, без разлика дали се тоа тврдења или не. Покажете разбирање кон детето така што ќе му кажете: “Мислам дека си малку несигурен во друштво со деца. Тоа е сосема во ред“, наместо “Секако дека не сакаш да се дружиш со други деца, тоа е затоа што си срамежлив“.
- Без форсирање
Ако го форсирате детето да не биде срамежливо во присуство на други деца, ќе добиете сосема спротивен ефект. Ако детето е поживо дома, тоа не мора да значи дека така сака да се однесува и надвор.
- Самодоверба
Обидете се да најдете помала група на деца за дружење во средина која може да ја контролира, каде детето може да ги вежба своите социјални вештини. На пример, детска библиотека, каде срамежливите деца полесно стапуваат во контакт со другите деца, бидејќи не се попречени од гужва и галама која ја има во големите групи.
- Социјален детски круг
Замолете го детето да именува три деца со кои би сакало да се дружи. Обидете се да организирате заеднички посети на игралиште, каде може непречено да си играат и да создаваат нови пријателства.
- Ценете го вашето дете
Кога детето ќе почувствува дека го гледате онакво какво што е, и го цените, без оглед на се, неговата самодоверба ќе порасне. Постојат работи кои вашето дете сака да ги прави кога ќе си дојде дома. Дозволете му да ги истражува своите таленти и наградете го заради тоа. Исто така, може да му дадете некоја помала одговорност, заради која детето ќе се чувствува корисно и незаменливо.
- Избегнувајте вкрстено испитување
Кога ќе дојдете по детето во градинка, или се враќате од игралиште, не му поставувајте прашања од типот: “Дали и денес повторно си играше сам“? Детето можеби имало тежок ден и едноставно треба да разговара со вас. Треба да бидете внимателни и да не го натерате детето да помисли дека секој негов ден бил тежок.
