Оштетувањата на кожата во форма на потенки и подебели линии кои обично настануваат од пребрзо растегнување на сврзното ткиво. Тие се јавуваат за време на бременоста, бидејќи при нагли промени во тежината и хормонални промени, кожата се растегнува и ја губи еластичноста.
Научниците порачуваат дека генетиката игра голема улога во формирањето на стрии, па ако вашата мајка добила стрии во текот на бременоста, постои голема веројатност да се појават и на вашето тело. Постојат и одредени фактори кои го зголемуваат ризикот од стрии. Еден од најважните е возраста на мајката. По правило, првата бременост на рана возраст поминува без ниту една стрија.
Важно е и колку килограми сте се здебелиле за време на бременоста. И некои болести може да предизвикаат појава на стрии. На пример, Кушингов синдром, при кој кожата прекумерно се растегнува или други состојби предизвикани од хормонална нерамнотежа. Меѓутоа, ако во последната бременост сте поминале без стрии, не опуштајте се. Мерки на претпазливост се задолжителни за време на секоја бременост.
Постојат методи со кои можете да ја намалите можноста за појава на стрии. Ако ги следите нашите упатства, кои се добри за вашето целокупно здравје и за состојбата на вашата кожа, можеби сепак ќе бидете една од среќните кои ќе го дочекаат крајот на бременоста без ниту една стрија.
Совети за борба против појава на стрии
- Пијте многу вода. Хидратацијата е важна за целокупното здравје, особено за време на бременоста.
- Во првите месеци од бременоста, кога градите почнуваат да се зголемуваат, носете посебен удобен градник со широки ремени (некои лекари дури препорачуваат да спиете со него).
- Воведете здрава, разновидна и урамнотежена исхрана која ќе ја одржи вашата тежина во рамките на препорачаните стандарди.
- Погрешно е да мислите дека сега треба да јадете за двајца, најдобро е да ги следите советите на вашиот гинеколог. Имено, наглите промени и варирањето на телесната тежина секогаш се придружени со хормонални пореметувања, па оваа состојба често остава трага и на кожата.
- Поттикнувањето на циркулацијата со ракавица или четка за масажа е исто така ефикасно во превенцијата на стрии.
- Кога се туширате, насочете го млазот вода на стомакот и правете кружни движења.
- Хидратизирајте ја кожата најмалку два пати на ден. Козметички препарати за превенција и ублажување на стрии нудат многу производители. Обрнете посебно внимание на декларацијата на препаратот, неговиот состав и начинот на употреба, бидејќи трудниците не треба да користат креми што содржат ретинол.
Дисциплинирајте ги прстите и обидете се да не го чешате стомакот. Многу жени не знаат дека гребењето на стомакот може да поттикне создавање на стрии.- Не претерувајте со спорт! Многу идни мајки остануваат активни за време на бременоста и вежбаат според програми за бремени жени. Повеќето од нив трчаат во теретана и по породувањето за што побрзо да ја вратат фигурата во форма, не знаејќи дека стриите можат да се појават сосема неочекувано по големи мускулни напори, односно напорни вежби.
- Јадете храна богата со витамини Е и Ц, цинк и силициум.
- По породувањето носете специјален постпородилен мидер кој овозможува кожата да се врати во првобитната состојба.
