Кофеинот е најчесто користена психоактивна супстанца која го стимулира централниот нервен систем. Но, има и лоши страни, ја зголемува анксиозноста, влијае на несоницата и се поврзува со когнитивно-бихевиорални проблеми кај децата и младите адолесценти. Токму заради ова, здравствените работници ги предупредуваат родителите децата да ги држат подалеку од енергетските напитоци кои содржат високо ниво на кофеин, попрецизно најмалку 320мг/л.
Претставникот на британскиот Кралски институт за педијатрија и здравјето на децата, со седиште во Лондон, Расел Винер истакува како денес изненадувачки малку се знае за тоа во колкава мера консумацијата на енергетски напитоци е сигурна кога станува збор за младиот организам.
Резултати од неодамна спроведени истражувања упатуваат на тоа дека само еден енергетски напиток може да има негативно влијание на функцијата на крвните садови. Со ултразвук била проверена базалната ендотелијалната (внатрешна обвивка на крвните садови) функцијта на артериите пред и 90 минути по консумација на околу 600 грама енергетски напиток. По консумацијата лекарите откриле акутно намалување на пречникот на крвните садови.
Според резултатите од претходна канадска студија на 2055 млади луѓе на возраст од 12 до 24 години, 55,4% од испитаниците кои консумирале енергетски пијалоци, се пожалиле на различни здравствени проблеми: 18% се жалеле на главоболки, 5% повраќале или имале пролив, 3,6% чувствувале болки во градите, а кај 0,2% случаи биле забележани епилептични напади.
Сето ова е последица од фактот дека една лименка енергетски напиток, во зависност од количината, содржи од 80 до 150мг кофеин, таурин, газирана вода, Б витамини, некои билни екстратки како гуарана, акаи, гинсенг и гинко билоба, и ништо помалку значајно – многу шеќери и вештачки бои.
Нивото на енергија кај децата најдобро може да се подобри по природен пат
Научниците предупредуваат дека кога ќе се надмине дневниот внес на кофеин од 3мг по килограм телесна тежина може да се јават тегоби, забрзана работа на срцето, треска, мачнина, повраќање, вртоглавица и раст на крвниот притисок. Тегобите може да јават мног брзо и ако енергетските пијалаци се консумираат со други алкохолни и безалкохолни пијалаци.
Научниците предупредуваат и на тоа дека комбинација на енергетски пијалок со алкохолот ја замаглува вистинската состојба и го зголемува ризикот од сообраќајни несреќи. Големите количини на шеќер во овој пијалок придонесува за дебелеење и развој на дијабетес тип 2.
Според истражувањето спроведено во 2014 на 5000 деца во Велика Британија, 14% од нив, на возраст од 11 до 15 години одговориле дека енергетски напитоци консумираат два до четири пати неделно, а 5% рекле дека пијат секојдневно.
Многу доктори се согласуваат дека би требало во целост да се забранат енергетските пијалоци кај децата и адолесцентите. Винер вели дека нивото на енергија кај децата на најдобар начин може да се подобри по природен пат, а тоа се квалитетна исхрана, квалитетен сон, телесни вежби и најважно, квалитетна интеракција со околина, особено со врсниците.
