Резултатите од истражувањето покажале дека во периодот на каранатин, децата и тинејџерите на возраст од 10 до 17 години поминувале значајно повеќе време играјчи дигитални игри барем еднаш неделно на своите таблети, паметни телефони или компјутери, отколку во вообичаени животни околности.
Додека просечното време кое го “трошеле“ на дигитални игрици во текот на работен ден во септември 2019 во просек изнесувало 79 минути, таа бројка се искачила на 139 минути во април годинава, отприлика четири недели откако училиштата се затвориле и во Германија се вовеле мерки на ограничено движење.
“Студијата укажува на тоа дека итно ни е потребен сигурен и сеопфатен механизам кој доволно рано ќе го сврти вниманието на јавноста на зависноста од социјалните мрежи и дигитални игри“, сметаат истражувачите.
Нивно мислење е дека треба да се спроведе анкета која би го “идентификувала“ бројот на лица погодени со овој проблем и да им се понуди соодветна помош. Со студијата освен деца, биле опфатени и родители од 1.200 германски семејства.
Германските експерти предупредуваат дека резултатите од оваа студија укажуваат на “остар пораст“ на зависност од дигитални игри и социјални мрежи, кој поради општата здравствена состојба на нацијата не смее да продоложи.
