Милиони деца би можеле да умрат од болести кои може да се спречат, поради прекинот и пореметувањето на програмата за имунизација, по пандемијата со новиот коронавирус, предупредуваат стручњаците.
Погодени се најмалку 68 земји, од кои некои во целост ја прекинале вакцинацијата кај децата. Светската здравствена организација (СЗО), советуваше многу земји да го суспендираат вакцинирањето, како би помогнале да се забави ширењето на коронавирусот.
Меѓутоа, СЗО сега е меѓу групите кои изразуваат загриженост поради долгорочниот ефект на таквата мерка. УНИЦЕФ, Институтот Сабин и Сојузот за вакцинација Гави, исто така изразуваат загриженост дека илјадници деца може секојдневно безпотребно да завршат фатално.
Постои цела низа причини поради кои вакцинирањето е така пореметено. Меѓу нив е стравот на родителите дека ќе се заразт со КОВИД-19 ако излезат од дома, недостаток на здравствени работници поради пандемијата, како и проблеми со обезбедување на болниците со вакцини.
ЗАГРОЗЕНИ СЕ НАЈМАЛКУ 80 МИЛИОНИ ДЕЦА ПОМАЛИ ОД ЕДНА ГОДИНА
Се проценува дека во Југоисточна Азија не се вакцинирани 34,8 милиони бебиња поради пандемијата со коронавирусот, додека во Африка, вакцинирање пропуштеле 22,9 милиони деца.
Последните предвидувања на Школата за јавно здравје Џон Хопкинс Блумберг, укажуваат на тоа дека пореметувањето на оваа клучна здравствена услуга може да резултира со секојдневна смртност на дополнителни 6000 деца.
“Очекуваме враќање на овие болести. А, тоа значи дека ќе сведочиме на смрт на деца во бројки без преседан“, вели директорката на одделот на СЗО за имунизација и вакцини, Кејт О’Бриен.
