Приближно еднo од сто илјади лица кои ја примиле вакцината на „Фајзер“ и „БиоНТек“ против COVID-19 имале сериозна алергиска реакција, соопштија американските здравствени власти, истакнувајќи дека придобивките од вакцинацијата се многу поголеми од познатите ризици.
Ова се податоци од Американскиот центар за контрола и превенција на болести (CDC), кој документирал 21 случај на анафилакса по инјектирање на 1.893.360 дози на вакцина од 14-23 декември.
„Тоа во просек изнесува 11,1 случаи на анафилакса на примени милион дози“, истакна официјалниот претставник на CDC, Ненси Месоние.
Забележани се 21 случај на анафилакса, акутна, опасна по живот алергиска реакција, кај вакцинирани лица на возраст од 27 до 60 години, во просек 40 години, а сите освен двајца биле третирани со епинефрин
За споредба, вакцината против грип предизвикува околу 1,3 случаи на анафилакса на милион дози, така што стапката на анафилакса со вакцината на „Фајзер“ е околу десет пати поголема.
Месоние додаде дека случаите на анафилакса и понатаму се „исклучително ретки“ и дека е во најдобар интерес на луѓето да се вакцинираат, особено во контекст на пандемијата на COVID-19, што е многу поопасна за нивното здравје.
„Лошите исходи од COVID-19 се уште се поголеми од ризикот од вакцините“, забележа таа.
„За среќа, знаеме како да ја третираме анафилаксата и се погриживме на локациите каде што се врши вакцинирањето, луѓето кои даваат вакцини да бидат спремни и за третман на анафилакса“.
Забележани се 21 случај на анафилакса, акутна, опасна по живот алергиска реакција, кај вакцинирани лица на возраст од 27 до 60 години, во просек 40 години, а сите освен двајца биле третирани со епинефрин.
Деветнаесет случаи (90 проценти) биле кај жени, а просечното време на појавување на симптомите било 13 минути, иако имало и такви што се појавиле по две до 150 минути, пренесува „Хина“.
