Бебињата кои добиле антибиотици како новороденчиња имаат намален имунолошки одговор на вакцините во подоцнежниот ран период од детството, најверојатно поради промените во цревната микробиота, сугерира ново истражување.
Австралиска студија следела 191 здраво бебе од раѓање и открила дека оние бебиња кои примиле антибиотици во првите неколку недели од животот имале значително пониски нивоа на антитела против повеќе вакцини на 7 и 15-месечна возраст.
Студијата, објавена во списанието „Nature“, ја проценила микробиотата кај новороденчињата во времето кога ја примале првата рутинска вакцинација, на шестнеделна возраст. Се открило дека бебињата кои биле директно третирани со антибиотици при раѓање имале помал број на корисни цревни бактерии познати како бифидобактерии (Bifidobacterium)
Од бебињата, 111 биле изложени на антибиотици во новороденечкиот период — директно третирани (32 новороденчиња), индиректно преку мајките кои земале антибиотици за време на породувањето (49), или во првите шест недели по раѓањето (30).
Студијата, во која учествувале истражувачи од 12 институции низ Австралија, не открила намален одговор на вакцинините кај бебиња чии мајки примале антибиотици за време на породувањето, што укажува дека директниот антибиотски третман кај новороденчињата има потрајно влијание врз цревниот микробиом
Студијата, објавена во списанието „Nature“, ја проценила микробиотата кај новороденчињата во времето кога ја примале првата рутинска вакцинација, на шестнеделна возраст. Се открило дека бебињата кои биле директно третирани со антибиотици при раѓање имале помал број на корисни цревни бактерии познати како бифидобактерии (Bifidobacterium).
Намалувањето на бифидобактериите било поврзано со пониски нивоа на антитела против повеќе компоненти на пневмококната вакцина, како и против Haemophilus influenzae тип Б, на возраст од 7 и 15 месеци.
Професорот Дејвид Лин, директор на програма при Јужноавстралискиот институт за здравство и медицински истражувања, кој го координирал истражувањето, рече дека бифидобактериите најчесто се присутни во цревата на здраво бебе во првите недели од животот.
„Тие се особено добро прилагодени за разградување на олигосахаридите од мајчиното млеко (вид јаглехидрати), па затоа кај доените бебиња се среќаваат во високи концентрации“, рече тој.
Лин, исто така професор по системска имунологија на Универзитетот Флиндерс, објасни дека овие бактерии го стимулираат имунолошкиот систем, подготвувајќи го за оптимален одговор на вакцините.
„Најверојатно најважна е состојбата на микробиомот во моментот кога се прима вакцината“, вели тој. „Антибиотиците можат да ја нарушат нормалната колонизација со бифидобактерии и да овозможат колонизација со други видови бактерии.“
Истражувањето, исто така, ги проучувало и имунолошките одговори кај стерилни (germ-free) глувци, откривајќи дека присуството на бифидобактерии било клучно за создавање антитела по пневмококна вакцина и дека одговорот се подобрувал кога глувците добивале пробиотик што ги содржел овие бактерии.
Студијата, во која учествувале истражувачи од 12 институции низ Австралија, не открила намален одговор на вакцинините кај бебиња чии мајки примале антибиотици за време на породувањето, што укажува дека директниот антибиотски третман кај новороденчињата има потрајно влијание врз цревниот микробиом.
Лин истакнува дека резултатите од студијата не треба „претерано да ги загрижуваат“ родителите на новороденчиња кои биле третирани со антибиотици. „Обично постои многу добра причина за да им се дадат антибиотици на новороденчињата, со оглед на тоа што инфекциите и сепсата во тој критичен период можат да бидат многу сериозни.“
И покрај сè, новороденчињата третирани со антибиотици, сепак, развиле „доста солидни имунолошки одговори на сите вакцини“, рече тој. „Околу седмиот месец, кај повеќето бебиња нивото на антитела било над заштитниот праг, што значи дека најверојатно ќе бидат заштитени од инфекција.“
„Она што се чини дека се случува е дека, со текот на времето, тие реакции исчезнуваат малку побрзо кај доенчињата кои директно примале антибиотици.“
Авторите забележале дека студијата имала „релативно скромна“ големина на примерокот и не вклучувала бебиња родени со царски рез, пренесува „Гардијан“.
