Вакцините на Pfizer-BioNTech и Moderna против коронавирус можат да предизвикаат неколку видови реакции на кожата, но овие реакции исчезнуваат брзо и не се опасни, според студијата објавена во „Journal of the American Academy of Dermatology“.
Реакциите на кожата може да се појават околу една недела по примање на вакцината, се вели во студијата. Секоја реакција – на кожата или на друг начин – што се јавува помалку од 4 часа по вакцинацијата може да биде алергиска реакција и е причина за тревога, велат лекарите
Истражувачите проучувале 414 пациенти со реакции на кожата по примање на вакцините од 24 декември 2020 година до 14 февруари 2021 година. Случаите биле пријавени од лекари, вклучително и дерматолози, медицински сестри и други здравствени работници.
Најдобрата вест е дека ниту една од реакциите не била опасна по живот, изјави за „УСА Тудеј“, д-р Естер Фримен, автор на студијата.
„Луѓето можат да добијат осип на целото тело, и тоа може да биде изненадувачки и малку застрашувачко, но овие пациенти поминаа исклучително добро, се опоравија и беа во можност да се вратат и да ја примат втората доза“, рече Фримен од Општата болница во Масачусетс.
„За луѓето чии осипувања започнаа 4 или повеќе часа по вакцинирањето, 0% од нив добија анафилакса или каква било друга сериозна реакција. Нула е убав број“.
Реакциите на кожата може да се појават околу една недела по примање на вакцината, се вели во студијата. Секоја реакција – на кожата или на друг начин – што се јавува помалку од 4 часа по вакцинацијата може да биде алергиска реакција и е причина за тревога, велат лекарите.
Другите реакции биле осип на целото тело, често опишан како „сличен на сипаници“ и отекување на кожата кај луѓе кои имале дерматолошки филери како козметички третман
Најчеста реакција била осип на местото на инјектирање, понекогаш наречен Ковид-рака или Модерна-рака. Околу 95% од реакциите во студијата се случиле кај луѓе кои примиле вакцина на Модерна. Малкумина кои ја имале оваа реакција по првата вакцина, ја имале и по втората, се вели во студијата.
Црвенило и оток на стапалата и рацете, познат како Ковид-прст, исто така, се појавиле кај неколку пациенти. Непријатно е, „но тоа не е причина да не се прими втората доза“, изјави Фримен за „УСА тудеј“.
Другите реакции биле осип на целото тело, често опишан како „сличен на сипаници“ и отекување на кожата кај луѓе кои имале дерматолошки филери како козметички третман.
„Ако сте имале филер за лице, тоа не значи дека не треба да ја примите вакцината“, рече Фримен.
„Дури и ако имате прилично импресивен осип по вакцината, доколку не започне во рок од 4 часа по вакцинирањето, треба да се чувствувате пријатно да ја примите и втората доза“, рече таа.
Клиничките испитувања на вакцините на Модерна и Фајзер објавија неколку случаи на реакции на кожата. Студијата не ја вклучува единечната доза на вакцина на Џонсон и Џонсон, бидејќи не била одобрена за време на студијата. (WebMD)
