Родителите трошат просечно 139 часа годишно обидувајќи се да ги подготват своите деца за училиште, покажало истражување спроведено во Велика Британија.
Истражувањето спроведено на 1.300 родители на деца на возраст од 6 до 16 години покажало дека 75 отсто од нив се грижат за утринската рутина воочи враќањето во училиште, а 26 отсто признаваат дека поради борбата што ја водат со децата, тие доцнат на училиште.
Повеќе од една третина од родителите (32 отсто) велат дека е најтешко да ги натераат нивните деца да појадуваат, додека 27 отсто се борат да ги натераат да носат училишни униформи. Петтина од родителите (19 проценти) треба да бараат училишни предмети кои недостасуваат наутро, а 29 проценти велат дека треба да ги убедат своите деца да ги мијат забите.
Дури 36 отсто од родителите ја водат битката околу станувањето и обидот да ги натераат своите деца да станат од кревет на време. Во еден вообичаен училишен ден, на родителите им се потребни 43 минути наутро да го разбудат своето дете, да го подготват и да ја напуштат куќата.
Експертите советуваат навреме да се подготвите за враќање на училиште и да почнете да ја воведувате рутината порано да си легнувате две до три недели пред почетокот на новата учебна година.
