ПИШУВА:
Д-р Маргарита Камбовска
специјалист педијатар – неонатолог
Недоносени новороденчиња
Според последната класификација, новородените породени пред 37. гестациска недела од бременоста (или 259 денови) се сметаат за недоносени, односно предвремено родени бебиња. Недоносено новороденче е водечка причина за неонатална смртност, а предвременото породување е најчеста причина за хоспитализација на бремената жена.
Кожата кај бебињата е тенка и покриена со мали влакненца, склона кон чести ексоријации, а крвните садови се многу видливи. Мускулите и поткожното масно ткиво се слабо развиени, па предвремено родените бебиња изгледаат ситни и слаби. Со текот на времето бебето ќе созрее, напредува, расте и ќе добие изглед на бебе родено во термин
Недоносените новроденчиња се класифицираат на:
- недоносени родени блиску до терминот (гестациска возраст од 34 до 37);
- новороденчиња со умерена недоносеност (32- 34 гестациска недела);
- новороденчиња со изразена недоносеност (28-32 гестациска недела);
- новороденчиња со екстремна недоносеност (помали од 28 гестациска недела).
Покрај гестациската старост имаме класификација и според телесната маса на новороденчињата:
- новородено со ниска телесна маса (1500-2500 г – low birth wright infant LBWI);
- новородено со многу ниска телесна маса (1000-1500 г – very low birth infant VLBWI);
- новородено со исклучителна ниска телесна маса (< 1000 г extremely low birth weight infant – ELBWI).
МЕДИЦИНСКИ КОМПЛИКАЦИИ КАЈ НЕДОНОСЕНИТЕ НОВОРОДЕНЧИЊА
Најчести медицински компликации кај недоносените новороденчиња се проблеми со дишењето кои можат да преминат во хронични проблеми со белите дробови, кардиоваскуларни проблеми, пролонгирана неонатална жолтица поради незрелоста на црниот дроб, проблеми во исхраната (неможност да го координира цицањето, намален тонус, конвулзии), нарушување во крвните садови, склоност кон инфекции.
ОСНОВНИ КАРАКТЕРИСТИКИ НА ПРЕДВРЕМЕНО РОДЕНОТО БЕБЕ
Основните карактеристики на предвремено роденото бебе се општа незрелост на органите и системите кои се важни за живот. Кожата кај бебињата е тенка и покриена со мали влакненца, склона кон чести ексоријации, кои истовремено се влезна врата за инфекции, а крвните садови се многу видливи. Мускулите и поткожното масно ткиво се слабо развиени, па предвремено родените бебиња изгледаат ситни и слаби. Плачот едвај се слуша, а половите органи се неразвиени. Со текот на времето бебето ќе созрее, напредува, расте и ќе добие изглед на бебе родено во термин.
Новороденчињата породени предвреме, имаат подолг период на престој во родилиште. Околу деталите и тоа дали ќе биде сместено во инкубатор или во топол лежај, секако, одлучува одговорниот неонатолог
Во првите денови од животот предвремено родените бебиња имаат незрел систем за регулација на телесната температура, па без помош на регулација на температурата не можат да ја одржат нормалната телесна топлина. Во инкубаторот лесно се регулира температурата и влажноста на воздухот. Исто така, инкубаторот претставува изолирана средина и на тој начин го штити бебето од инфекции. На родителите треба посебно да им се објасни за важноста на идеална температура во надворешната средина, заради термонестабилноста кај истото.
Секако треба да се знае дека новороденчињата породени предвреме, имаат подолг период на престој во родилиште. Околу деталите и тоа дали ќе биде сместено во инкубатор или во топол лежај, секако, одлучува одговорниот неонатолог.
Секако дека со недоносените новороденчиња има повеќе контроли и совети околу обучувањето на родителите за грижата и негата кај истите.
Не можеме да се пофалиме со стапката на предвремено родени новородени во нашата земја. Со преземање на низа мерки меѓу кои би издвоила медицинска едукација на мајките и тимска соработка на медицинскиот персонал, секако, дека се надеваме на намалување на стапката во наредниот период.
