-
Дали сме во состојба повторно да замислиме свет во кој чистиот воздух, вода и храна се достапни за сите?
-
Каде економиите се фокусирани на здравјето и благосостојбата?
-
Каде градовите се погодни за живеење, а луѓето имаат контрола врз нивното здравје и здравјето на планетата?
„Среде пандемија, загадена планета, зголемени болести како рак, астма, срцеви заболувања, на Светскиот ден на здравјето 2022 година – 7 Април, СЗО ќе го фокусира глобалното внимание на итните активности потребни за да се одржат луѓето и планетата здрави и поттикнување на движење за создавање општества фокусирани на благосостојба“, се вели на веб-страницата на СЗО, по повод Светскиот ден на здравјето.
Мотото на овогодинешниот Светски ден на здравјето е „Наша планета, наше здравје“, а вниманието е насочено кон преземање итни и неопходни активности како би ја одржале Земјата и нејзините жители – здрави
Светската здравствена организација (СЗО) е основана на 7 април 1948 година и оттогаш Светскиот ден на здравјето се одбележува секоја година на тој датум со цел да се нагласи одредена здравствена тема.
Се подига свеста кај граѓаните за процедурите што секој поединец и општество може да ги направи за своето здравје во текот на целата година. Мотото на овогодинешниот Светски ден на здравјето е „Наша планета, наше здравје“, а вниманието е насочено кон преземање итни и неопходни активности како би ја одржале Земјата и нејзините жители – здрави.
СЗО проценува дека повеќе од 13 милиони смртни случаи ширум светот секоја година се должат на еколошки причини што може да се избегнат. Ова ја вклучува климатската криза која е единствената најголема здравствена закана со која се соочува човештвото. Климатската криза е исто така и здравствена криза.
Моменталната климатска криза (воедно и здравствена) претставува најголема здравствена закана за човештвото менувајќи ја нашата планета. Над 90% од населението на Земјата дише загаден воздух. Поради затоплувањето на Земјата, комарците се побрзо и побрзо пренесуваат заразни болести. Екстремните метеоролошки настани, уништувањето на обработливото земјиште и недостигот на вода за пиење негативно влијаат врз здравјето на луѓето. Разни загадувања и пластика сега може да се најдат во океаните, на планините и во нашата храна. Нездравата храна и пијалаци се една од најзначајните причини за дебелина, зголемување на бројот на луѓе кои страдаат од малигни тумори и срцеви заболувања, а нивниот начин на производство е одговорен за една третина од емисиите на стакленички гасови.
СЗО проценува дека повеќе од 13 милиони смртни случаи ширум светот секоја година се должат на еколошки причини што може да се избегнат. Ова ја вклучува климатската криза која е единствената најголема здравствена закана со која се соочува човештвото. Климатската криза е исто така и здравствена криза
Пандемијата КОВИД-19 ги истакна недостатоците во сите области на општеството и ја нагласи потребата да се создадат еднакви здравствени системи достапни за сите – како за денешните, така и за идните генерации. Сегашниот систем на економија придонесува за неправедна распределба на приходите, зголемување на моќта и богатството на поединците, додека сè уште голем дел од населението на Земјата живее во сиромаштија и без основни услови за живот. Целта е да се создаде општество кое ќе се залага за еднаквост, еколошка одржливост и благосостојба на светската популација.
