Доаѓањето на долгоочекуваното дете е најсреќно случување во животот на жената, но за некои мајки, породувањето е толку емотивно и физички трауматично да остава проследици до крајот на животот.
Според едно истражување, откриено е дека една третина од жените кај кои се појавила уринарна инконтиненција по породувањето, не сакаат да разговараат за тоа со парнерот, а речиси половина од нив или 46%, не им е непријатно за проблемот да разговараат со пријателите.
Со оглед дека жените не бараат помош, се чувствуваат осамено и изолирано, што негативно влијае на нивната врска и работа, а поради тој проблем избегнуваат и физичка активност и сексуални односи.
Почеста е кај жените кои родиле вагинално
Стареењето, дебелината и породувањето го зголемуваат ризикот, а истражувачи од Финска откриле дека жените кои раѓаат вагинално имаат поголема можност да развијат уринарна инконтиненција од жените кои родиле со царски рез. Вагиналното породување ја зголемува можноста за развивање на стресна уринарна инконтиненција, а почеста е кај жените кои родиле повеќе пати. До стресна инконтиненција доаѓа при кивање, кашлање, смеење и подигање товар, и жената нема нагон за мокрење.
Друг вид е ургентна уринарна инконтиненција, која вклучува силна и изненадна потреба за мокрење. И кај овој тио, истражувачите дошле до заклучок дека можноста за развивање кај вагиналното породување е поголема.
Повеќето случаи на уринарна инконтиненција можно е да се лекуваат без операција или лекови, низ вежби кои ги јакнат мускулите на карлицата,а кои лесно може да се прават било каде.
Кегеловите вежби спречуваат инконтиненција
Дното на карлицата се состои од неколку слоеви мускули. За време на бременоста и по породувањето доаѓа до слабеење на мускулите, што може да доведе до проблеми, како инконтиненција. Кај жените кои родиле повеќе пати, мускулниот тонус попушта, а со тоа се пореметува функцијата на мокрење, се создаваат чести воспаленија на уринарните патишта, па дури и на матката, кои може да се спречат со изведување на Кегелови вежби.
