Сигурно веќе ви се познати некои препораки за безбедно спиење на бебињата, како на пример да не користите ќебе за покривање на бебињата, спиење во автомобилски седишта доколку не се во автомобил и слично.
Но, дали на бебето му треба перница за поудобно да спие? Ако ние возрасните не можеме да без перница, тоа не значи дека и на бебињата им е нужно потребна. За новороденчето најдобро е да спие на удобна, тврда и рамна површина, бидејќи користењето несоодветна мека перница на бебето може да дојде до задушување.
Ако се плашите дека вашето бебе може да подригне во сон или ако е настинато и треба да го ставите во благо накосена положба, подобро е да ставите нешто под душекот на кој спие (каде што ќе биде главата) што ќе направи блага накосеност, што значи дека целото тело ќе биде рамномерно косо. Никако под бебето не ставајте ставајте мека перница со пердуви бидејќи тоа може да предизвика алергиска реакција и да предизвика задушување.
На деца помлаи од две години не се препорачуваат перници, а најдобро е на детето да му дадете перница само кога преминува од креветче или лулка во кревет (ако воопшто спиело во своето креветче), што е приближно помеѓу 18 и 24 месеци од животот.
Во првите неколку години од животот, децата не можат да почувствуваат нелагодност поради тоа што немаат перница за време на спиењето, па немојте да мислите дека тоа влијае на квалитетот на нивниот сон.
Ако сепак не можете да го замислите детето да ви спие без перница, по првата година изберете цврста, рамна и најмала перница. Ако детето поминува повеќе време надвор од перницата за време на ноќниот сон отколку на неа, очигледно е дека тоа му предизвикува непријатност и можете да ја тргнете.
