Дури 40 проценти од пациентите кои прележале и се водат како опоравени од КОВИД-19 имаат некој знак на постковис синдром. Тегобите знаат да траат и подолго од шест месеци. Чести се и невролошките проблеми.
“Останува главоболка, вртоглавици, хроничен замор, тоа се пацинети кои имаат различна вкочанетост во рацете и нозете, тоа се пациенти кои имаат различни проблеми со помнењето, когницијата“, вели д-р Вања Кес, од Заводот за невроимунологија во Загреб.
Постковид синдромот нема правила – болеста на секого различно влијае. Може да се случи да некој со благи симптоми на коронавирус има потешки компликации од оној кој имал потешка форма на болеста, додава таа.
“Треба да се види зошто замор? Тој замор може да биде последица од микроемболија која предизвикува отежнато дишење, може да биде промена во крвната слика, на крвните садови. Не е само замор, тоа може да биде причина за сериозни болести“, вели проф. д-р Николина Јукиќ од Клиничкиот центар во Загреб.
Иако КОВИД-19 е системска болест која може да го зафати секој орган, таа примарно е респираторна болест.
„Се очекува многу голем број луѓе да имаат долгорочни последици, дека дури и по 6 месеци нема да има намалување на симптомите, туку ќе има трајни последици. Што се однесува до белите дробови, тука најчесто се белодробната фиброза и тромбоемболиските заболувања и важно е навреме да се препознаат ваквите пациенти “, вели д-р Матеја Јанковиќ Макек од Клиниката за белодробни заболувања Јордановац. А, времето е важно и за срцевите болни. Затоа, одењето на лекар не треба да се одложува.
“Целиот кардиоваскуларен систем акутно страда акутно КОВИД инфекцијата, подоцна некои пациенти имаат трајни или привремени последици, така што веќе чувствуваме прилив на пациенти кои се жалат на проблеми што претходно ги немале“, вели академик Давор Миличиќ, раководител на Клиниката за болести на срцето и крвните садови КБЦ Загреб.
