Температурата кај бебињата е ректална температура од 37,5 степени Ц или повеќе, можно е и бебето да се разбуди со црвени образи, а вие ќе почувствувате дека телото на бебето е жешко. Многу е важно да ја измерите температурата на бебето со помош на ректален топломер. Ако температурата е под 37 степени Ц, нема потреба да викате лекар, оти ректална температура под 37,5 степени Ц се смета за нормална, дури и кај новороденче.
Температурата кај бебињата, како и кај возрасните може незначително да се зголеми од многу причини: поради физичко напрегање, поради жешка купка, па и поради премногу облека. Дури и периодот од денот може да има влијание, при што телесната температура се зголемува доцна попладне и паѓа рано наутро. Ако ректалниот топломер не покажува врденост над 37,7 можете да бидете мирни.
Бактериска или вирусна температура? Разликата е важна
Вирусната треска (грозница – висока температура) се случува кога телото на вашето бебе се бори против предизвикани вируси, било да е инфекција на цревата или обична настинка, објаснува Кери Браун, оедијатар во детска болница.
Вирусните трески имаат тенденција на слабеење во рок од три дена. Антибиотиците во овој случај апсолутно не се неопходни, оти немаат ефект на вирусите.
Бактериската треска од друга страна, предизвикана е од бактериска инфекција, како што е зарзана инфекција (која може да биде бактериска или вирусна), инфекција на уринарниот тракт, бактериски менингитис или бактериска пневмонија.
Бактериските инфекции не поретки во однос на вирусните инфекции, но и повеќе загрижувачки оти може да доведат до сериозни болести ако не се лекуваат на време и со вистинска и соодветна терапија. За лекување на бактериски болести обчно се препишуваат и земаат антибиотици.
Кога е потребно да побарате медицинска помош:
- Ако вашето бебе е помало од три месеци и има ректална температура повисока од 37,7
- Бебето е помало од две години, а високата температура трае пдоолго од 24 часа
- Ако детето има над 2 години и температурата трае над три дена
- Температурата на детето постојано се зголемува над 37,5, без разлика на староста на детето.
