Сите родители имаат свои единствени рутини пред спиење за своите деца, без разлика дали се работи за посебна приказна, песна или прегратка. Овие мали моменти не само што градат посебна врска, туку често го обликуваат и односот помеѓу родителот и детето.
Детскиот терапевт и мајка на три деца, Џесика ВандерВиер, смета дека рутините пред спиење се многу важни. Таа тврди дека овој едноставен ритуал може да го промени животот на децата. На социјалните мрежи таа сподели дека секоја вечер пред спиење им ги поставува овие три едноставни прашања на своите деца:
1. Која работа помина добро денес?
2. Која работа денес беше напорна и бараше многу?
3. Кој настан од денешниот ден сакаш да го споделиш со мене?
Таа објаснува зошто го прави ова: “Времето пред спиење им сигнализира на децата дека ќе бидат сами во следните 10-12 часа. Ова одвојување може да делува застрашувачка и да доведе до плачење и одолговлекување. Затоа, оваа рутина го олеснува преминот кон спиење, ги смирува грижите на вашите деца и ја зајакнува вашата поврзаност со нив“.
Терапевтката користи неколку примери за да илустрира дека едноставната вечерна рутина може да има долготрајно влијание врз децата, обликувајќи го нивниот однос со нивните родители, дури и во зрелоста.
„Замислете – го започнувате овој ритуал пред спиење кога вашето дете ќе наполни три години. Тие ви раскажуваат за нивниот ден со пријателите, за неволјите во градинка, за сликата што ја нацртале и за играњето со нивната омилена играчка“, истакнува таа.
Според неа, оваа рутина влијае на децата десет години подоцна: „Вашето дете сега има 13 години. Сè уште разговарате со него пред спиење. Тоа ви раскажува за пријателски тепачки, како видело слика во автобусот поради која му било непријатно и колку е гордо на себе за време на фудбалските тренинзи“.
Потоа, 20 години подоцна, нашите деца имаат 33 години и ни се јавуваат за проблемите што ги имаат со нивните деца пред спиење.
“Начинот на кој комуницираме со нашите деца пред спиење може да ги промени нивните животи. Тие мали моменти се важни”, заклучил ВандерВиер.
