Децата не можат секогаш да ви кажат што точно чувствуваат или каде ги боли, а стомачните проблеми може да бидат предизвикани од било што – детето може да јадело нешто расипано, да има запек или, што е посериозно, можеби има воспаление на слепо црево.
Еден од најлесните начини да се утврди дали се работи за воспаление на слепо црево или не, е да го замолите детето да скокне – тоа е еден од триковите кој може да открие дали постојат тегоби од овој тип.
Слепото црево е остаток од ректумот кој има тенденција да се воспали и да се наполни со гној. Причините за тоа можат да бидат различни – вируси, инфекции или дури и паразити. Доколку воспалението не се открие навреме, може да дојде до пукање или руптура на слепото црево, што е доста опасно по живот.
За да сфатите дали постои болка поради воспаление на слепото црево или нешто друго го боли, замолете го да скокне на самото место. Ако после тоа детето се свитка од болка, веднаш повикајте брза помош или сами однесете го во болница.
Ако не, веројатно го мачи нешто друго: има запек или труење со храна. Секако, доколку детето го боли стомакот, без разлика на овој тест, важно е да го однесете на лекар кој е единствениот кој може да даде прецизна дијагноза.
Тестот со скокање не е 100% точен, но истражувањата покажуваат дека е точен, но доколку детето има болки по еден скок, тоа е знак дека треба да посетите лекар. Кај воспаление на слепо црево доаѓа до воспаление и на слузницата на стомачната слузница, што доведува до перитонитис. Еден од главните симптоми на перитонитис е неможноста за одење или скокање.
Покрај тестот за скокање, важно е да знаете дека болката поради слепо црево најчесто се манифестира во десниот долен дел на стомакот. Исто така, децата обично имаат болка кога ја креваат десната нога во колено кон стомакот. Покрај тоа, важно е да се обрне внимание на симптомите на воспаление на слепо црево:
- Мачнина
- Повраќање
- Губење на апетит
- Ниска температура
- Запек
- Дијареа
- Надуеност
- Гасови
Забелешка: Болката поради воспаление на слепото црево може да биде променлива и да залажува, затоа немојте сами да донесувате заклучоци, туку доколку вашето дете го боли стомакот, веднаш консултирајте се со лекар.
