За многу родители, однесувањето на тинејџерите претставува вистински предизвик.
Однесувањето на тинејџерите може да биде збунувачко, стресно, болно и честопати загрижувачко. Но, во повеќето случаи тоа не значи дека се случува нешто посериозно, туку дека станува збор за природниот процес на преминување во зрелоста.
Многу од вообичаените проблеми со однесувањето, кои родителите ги доживуваат како тешки, се суштински дел од пубертетот и растењето.
Наглите хормонални промени, заедно со телесните промени, потрагата по идентитет, притисоците од пријателите и развивањето чувство за независност – значат дека тинејџерските години се збунувачки период за вашето дете.
Ова може да доведе, на пример, до тоа вашето дете да:
- се оддалечи,
- сака повеќе време да поминува само или со пријатели,
- се чувствува недоразбрано,
- ги одбива вашите обиди за разговор или изразување наклонетост,
- изгледа намуртено и со променливо расположение.
Вашите чувства за однесувањето на вашето дете тинејџер
Тинејџерите можат да бидат предизвик дури и за најсмирените родители. Кога во вашиот живот има дополнителни притисоци како други деца, работа, релации, семејни обврски или болест, може да ви се чини дека вашето дете ве турка на работ.
Тинејџерите во голема мера реагираат емоционално, а не логично, поради хормоните. Тоа не е секогаш пријатно за нив, а понекогаш може да биде и застрашувачко
Обидете се да се повлечете од ситуацијата и запомнете дека вашето дете може да има физиолошки причини да се однесува на начини со кои е тешко да се живее. Веројатно ниту тие не уживаат во тоа.
Вие сте возрасниот и природно чувствувате одговорност да го водите низ тешките периоди — но тоа не е секогаш лесно. Не очекувајте секогаш да уживате во времето поминато со него, и не заборавајте да се грижите и за себе.
Многу од вообичаените проблеми со однесувањето, кои родителите ги доживуваат како тешки, се суштински дел од пубертетот и растењето
Како да се справите со стресот?
Да се биде родител на тинејџер може да биде исцрпувачки, па затоа е важно да се грижите и за себе. Family Lives, добротворна организација која им помага на семејствата, ги нуди следниве совети:
- одвојте време само за себе,
- дозволете си да се опуштите или дури понекогаш и да се почестите со нешто,
- разговарајте за вашите грижи со партнерот или со пријателите, или приклучете се на група за поддршка или форум,
- научете техники за справување со лошото расположение, тагата, депресијата или анксиозноста. Ако се грижите дека сте депресивни, анксиозни или под стрес, разговарајте со матичниот лекар.
Како треба да се однесувам со моето дете тинејџер?
Тинејџерите во голема мера реагираат емоционално, а не логично, поради хормоните. Тоа не е секогаш пријатно за нив, а понекогаш може да биде и застрашувачко.
Иако тоа може да ви биде тешко, тие имаат потреба да одржувате смирено и доследно присуство.
Следете ги овие совети:
- одредете ги границите и придржувајте се до нив – тинејџерите може да се спротивстават на тоа, но тие граници се знак дека се грижите за нив,
- слушајте ги кога сакаат да разговараат и обидете се да не ги прекинувате додека не завршат,
- дозволете им да учат од сопствените грешки – сѐ додека се безбедни, и прифатете дека можат да ги прават работите на поинаков начин од вас,
- не ги потиснувајте вашите грижи – ако сте загрижени дека вашето дете може да има незаштитен секс или да користи дрога, обидете се да разговарате смирено и насочете го кон корисни информации,
- дозволете му да има свој простор и приватност. (NHS)
