Менингитисот убива повеќе деца помлади од пет години од која било друга заразна болест. Можно е да се помеша со грип или некоја друга болест бидејќи многу од симптомите се преклопуваат. Болно дете најчесто ќе има температура, главоболка и осип кој не поминува на притисок, а и ќе повраќа. Кај некои деца може да се јават чувствителност на силна светлина, вкочанетост на вратот или напади.
Родителите исто така можат да воочат дека нивните деца се поспани или тешко се будат по дремката, пишува The Sun. Меѓутоа, според Националната здравствена служба на Велика Британија (NHS), некои деца воопшто не покажуваат никакви симптоми на болеста.
Според Фондацијата за истражување на менингитис, состојбата се однесува на воспаление на обвивката околу мозокот и ‘рбетниот мозок. Затоа е важно да се препознаат симптомите и да се почнете со лекување на време.
По употребата на антибиотици, повеќето деца целосно закрепнуваат, но некои имаат сериозни и долгорочни здравствени проблеми. Тие вклучуваат губење на слухот или видот, потешкотии со помнењето и концентрацијата, напади и проблеми со рамнотежата. NHS проценува дека еден од секои 10 случаи на бактериски менингитис е фатален.
