Пеглањето минијатурни алишта може да звучи како залудна и тешка работа. Зафатените родители секогаш бараат начин како да си го поедностават животот, но експертите веруваат дека сè уште постојат оправдани причини поради кои треба да одвоите време и да ја испеглате детската облека.
Дури и ако го користите најнежниот детергент за перење на алиштата на вашето бебе, може да се насоберат остатоци од детергент, а пеглањето ќе помогне да се ослободите од нив и ќе ја направи облеката помалку иритирачка за деликатната кожа на бебето
Пеглањето ги убива микроорганизмите
Пеглањето алишта е сигурен начин за убивање на микроорганизмите и штетните бактерии. Микроорганизмите не можат да се видат со голо око и се присутни на сите површини, вклучувајќи ја и облеката. Иако повеќето од нив се безопасни, некои можат да предизвикаат инфекции како што се воспаление на грлото и увото.
Пеглањето на детската облека, особено облеката за новороденче, може да помогне во заштитата на нежната кожа на бебето од сите штетни микроорганизми кои се задржуваат на облеката по перењето. Ова е важно ако не користите машина за сушење со опција за дезинфекција, која исто така може да ги убие микроорганизмите. Ако користите машина за сушење, пеглањето на облеката на вашето бебе и понатаму е добар начин да ја одржите свежа и чиста, особено ако вашето бебе е склоно кон осип и иритации.
Ја омекнува детската облека
Луѓето најчесто ја пеглаат облеката бидејќи топлината ги измазнува влакната на ткаенината, правејќи ги помеки и поудобни за носење.
Ги отстранува несаканите мириси од облеката
Дамките од блуцкање и измет тешко се отстрануваат, па дури и кога ќе се ослободите од нив, може да остават непријатен мирис. Топлината на пеглата помага да се отстранат несаканите мириси од облеката, оставајќи ги свежи и чисти. Ова е особено важно ако користите платнени пелени бидејќи тие понекогаш можат да задржат непријатен мирис дури и по перењето.
Помага да се отстранат остатоците од детергентот
Дали некогаш сте забележале дека облеката на вашето бебе е крута по перењето? Тоа е затоа што со текот на времето на облеката може да се насоберат остатоци од детергентот, што ги прави погруби. Дури и ако го користите најнежниот детергент за перење на алиштата на вашето бебе, може да се насоберат остатоци од детергент, а пеглањето ќе помогне да се ослободите од нив и ќе ја направи облеката помалку иритирачка за деликатната кожа на бебето.
Пред да ја пеглате облеката, внимателно прочитајте ги упатствата на секое парче облека за да ја изберете вистинската температура за ткаенината; користете пегла на пареа за намалување на наборите; ставете крпа помеѓу пеглата и облеката за да ги заштитите понежните ткаенини од топлината; и ако пеглате некоја облека прв пат, прво тестирајте ја пеглата на мал, скриен дел, советува „Babycious“.
