Комитетот за хумани лекови (CHMP) при Европската агенција за лекови (EMA) препорача проширување на индикациите за примена на вакцината Comirnaty на производителот Бионтек и Фајзер кај деца на возраст помеѓу 12 и 15 години. Вакцината Comirnaty од претходно е одобрена за превенција на болеста КОВИД-19 кај возрасни лица и адолесценти на возраст од над 16 години.
Вакцината содржи молекула на информативна рибонуклеинска киселина (мРНА) која носи упатство за создавање на шилест протеин на вирусот SARS-Cov-2, причинител за болеста КОВИД-19. Вакцината делува така што го подготвува телото за напад на шилестиот протеин сместен на површината од SARS-CoV-2 вирусот.
Вакцината Comirnaty се применува кај деца на возраст од 12 до 15 години на ист начин како и кај возрасните и адолесцентите на возраст од над 16 години.
Се применува во две дози преку инјектирање во мускулот на надлактицата, со временско растојание од три недели помеѓу првата и втората доза. Ефектите од вакцината се испитани кај 2.260 лица на возраст од 12 до 15 години, во склад со планот за педијатриско испитување, одобрено од Комитетот за педијатрија при ЕМА.
Испитувањето покажало дека имунолошкиот одговор на Comirnaty во оваа категорија споредлив со имунолошкиот одговор во возрасната категорија од 16 до 25 години (мерено со нивото на антитела против вирусот SARS-CoV-2). Ефикасноста на вакцината пресметена е кај околу 2000 деца на возраст од 12 до 15 години, кои претходно немале симптоми на инфекцијата, односно болеста КОВИД-19. Половина од испитаниците примиле вакцина, а останата половина плацебо. Ниту едно од 1.005 лица кои примиле вакцина, не добиле симптоми на болеста КОВИД-19, во споредба со 16 од 978 испитаници кои примиле плацебо. Наведеното значи дека во испитувањето, вакцината покажала ефикасност од 100% во превенција на болеста КОВИД-19 (иако реалната стапка може да биде помеѓу 75% и 100%).
Професорката по педијатрија на Универзитетот Вирџинија, д-р Деби-Ен Ширли одговара на прашањата кои го интересираат секој родител, а се однесуваат на вакцинирањето на нивните деца против болеста КОВИД-19.
ДЕЛУВА ЛИ ВАКЦИНАТА НА МЛАДИ ЛУЃЕ?
Неодамна се објавени податоци од страна на Бионтек/Фајзер кои велат дека вакцината делува на сите возрасни групи, а вакцината штити и до 100 проценти од симптоматски КОВИД-19, според студијата која е во тек, и кај деца од 12 до 15 години. Кај младите лица се развиле голем број на антитела, а нивниот имунолошки одговор бил исто силен како и кај повозрасните тинејџери и младите од 16 до 25 години.
КАКО ДА ЗНАЕТЕ ДЕКА ВАКЦИНАТА Е БЕЗБЕДЕНА ЗА ДЕТЕТО?
Засега се чини дека е безбедна и дека младите добро ја поднесуваат. Сите вакцини ги поминаа строгите контроли, но децата не се возрасни, па е важно да се продолжи со проучување на вакцините исто внимателно и кога се во прашање децата и младите. Студиите ќе ја следат безбедноста и ќе помогнат да се идентификуваат ретки или неочекувано последици, ако дојде до нив.
ЗОШТО ТРЕБА ДА СЕ ВАКЦИНИРААТ ДЕЦАТА?
Иако сериозна форма на болеста ретко е забележана кај децата, сепак се случува. Исто така треба да се знае дека во САД, 351 дете е починато како последица од КОВИД-19. Па, иако кај некои деца се работели за повраност со постоечки здравствени состојби, тоа не е секогаш случај. Вакцината значи ќе ги заштити децата од потешка форма на болеста. Притоа, тие можат и да ја пренесат болеста на други, па се важен дел од кариката за враќање кон нормалниот живот.
КОИ НУСПОЈАВИ МОЖЕ ДА СЕ ОЧЕКУВААТ?
Не се работи за сериозни последици, а најчесто се пријавуваат болно место на убодот, замор, главоболки. Некои адолесценти доживеале и температура, треска, болка во мускулите, што почесто се јавува по втората доза. Ако стравувате дека вашето дете може да изгуби свест за време на вакцинирањето, за тоа на време информирајте го лекарот.
ДАЛИ ИМА СЕРИОЗНИ РЕАКЦИИ КАЈ ДЕЦАТА?
Досега не се откриени во клиничката студија на фајзер/Бионтек. Сериозни алергиски реакции ретко се пријавени кај повозрасни лица. Секој кој е алергичен на некоја од компонентите на вакцината, не треба да се имунизира. Ако детето има историја на сериозни алергиски реакции на вакцини, важно е тоа да се набљудува најмалку 30 минути по вакцинирањето.
КОГА ВАКЦИНАТА ЌЕ БИДЕ ОДОБРЕНА И ЗА КОРИСТЕЊЕ КАЈ ДЕЦА ПОМЛАДИ ОД 12 ГОДИНИ?
Се планира тестирање на вакцините и нивното делување на помали деца. Како што работите се менуваат од ден во ден, авторизираната возраст за вакцинација можби и ќе се промени, па би можело да се дојде до тоа да вакцината ја примат и деца од 2 до 11 години, уште кон крајот на оваа година.
АКО ЈАС СУМ ВАКЦИНИРАН, МОЖАМ ЛИ ВИРУСОТ ДА МУ ГО ПРЕНЕСАМ НА ДЕТЕТО?
Со оглед дека вакцината не содржи жив вирус на КОВИД-19, не може да предизвика болест. Со вакцинирањето ќе се заштитите и себе и своето дете. Студиите покажуваат дека трудниците и доилките може да пренесат заштитен имунитет на детето. Иако научниците и натаму учатт како да го спречат ширењето на вирусот со вакцинацијата, тоа се уште е важен начин за ограничување на бројот на заразени, особено оние кои не се во можност да се вакцинираат.
