Одењето на фризер или масажа за многу жени е мал луксуз кој сакаат да си го дозволат од време на време, а во бременоста желбата за грижа за себе е уште поголема. Бремените жени се среќаваат со низа коментари за штетноста на третманите за убавини во бременоста, од тоа дека педикирот може да поттикне продување, до митот дека боите за коса предизвикуваат разни пореметувања кај децата. Реномирани гинеколози зборуваат за безбедноста на најчестите третмани за убавина во бременоста.
БОЈАДИСУВАЊЕ НА КОСАТА
Самото боење на косата е штетно, особено ако користите традиционални бои кои се полни со хемикалии, но ниту едно истражување не потврдило директна врска помеѓу вродените аномалии кај децата и фарбите за коса, така што фарбањето на косата за време на бременоста е безбедно.
За да бидете апсолутно сигурни, можете да почекате до вториот или третиот триместар кога повеќето органи на бебето се целосно развиени или можете да изберете прамени, наместо да ја бојадисувате целата коса, бидејќи на овој начин ќе избегнете директно допирање на хемикалиите до скалпот.
МАСАЖА
Масажата е прекрасен и безбеден начин за опуштање за време на бременоста. Помага во справување со стресот, ја подобрува циркулацијата и олеснува разни тегоби и болки, но задолжително кажете му на лицето кое ве масира дека сте бремена за да ве советува за најповолната положба за масажа.
Доколку се борите со мачнини, пред масажата одберете го маслото кое најмногу ќе ви одговара, секако во договор со масерот кој ќе знае кои масла не треба да се користат за време на бременоста. Ако сте особено чувствителни на мирис, нека користи чисто базно масло за масажа.
МАНИКИР И ПЕДИКИР
Маникирот и педикирот се безбедни за време на бременоста, а најдобро би било да најдете салон кој обезбедува препарати со што помалку штетни хемикалии, иако ниту класичните лакови за нокти не се поврзани со аномалии кај децата.
Поголем проблем би можеле да бидат мирисите во козметичкиот салон, особено ако се работи за помал простор. Испарувањето на ацетон и лакови може да ви предизвика гадење.
САУНА И ТОПЛИ БАЊИ
Екстремно високата температура е поврзана со развој на аномалии кај децата, особено во првото тромесечје. Без разлика дали се работи за џакузи, топли бањи или сауни, не се препорачува нивно користење во ниту едно тромесечие.
ТРЕТМАНИ НА ЛИЦЕ
Некои трудници навистина блескаат, додека голем дел се борат со разни промени на кожата. Повремениот третман на лице е сосема безбеден за трудниците, но задолжително избегнувајте тешки пилинзи и микродермоабразија.
Предупредете го козметичарот за евентуланите проблеми со мирисите и побарајте перница за да не сте целосно на рамна површина. Оваа положба може да ја забави вашата циркулација и да предизвика вртоглавица.
ДЕПИЛАЦИЈА
Иако депилацијата со восок или шеќерна паста може да биде непријатна, се додека не чувствувате преголема болка, таа е безбедна за време на бременоста. Доколку имате проблеми со болката, избегнувајте депилација во третото тромесечје, барем до 37-та недела од бременоста, бидејќи интензивните болки во овој период може да поттикне трудови болки.
