Нарушувањето на вниманието и хиперактивност (АДХД) е невро-развојно нарушување со кое децата и младите се почесто се среќаваат. Резултатите покажуваат дека ова нарушување се дијагностицира три пати почесто кај момчињата отколку кај девојчињата.
Не е секогаш лесно да се препознаат симптомите на дефицитот на внимание и хиперактивност, но како што велат експертите, не е ни невозможно.
Постојат три предупредувачки знаци кои укажуваат на тоа дека детето може да има АДХД, а тие се:
- Невнимание
- Хиперактивност
- Импулсивност
“Овие три симптоми најчесто се јавуваат кај деца кои имаат проблеми со нарушување на вниманието и хиперактивност. Тие тешко можат да се концентрираат на одредена работа, премногу се разиграни и хиперактивни, а исто така се склони кон донесување импулсивни одлуки”, објаснуваат психолозите.
Постојат и други знаци кои укажуваат на АДХД кај децата, како што се лесно губење контрола врз емоциите, упаѓање во збор на други и склоност кон самоповредување.
