Кога ќе го добиете прво дете, ќе направите многу “грешки во чекори“. И тие грешки се многу важни и неизбежни на вашиот пат како родител. Со нивна помош полесно ќе сфатите дека сите работи едноставно не можат да бидат под ваша контрола.
- Опсесија со развојот на детето
Зошто уште не се врти од стомак на грб, кога веќе пред два месеци се сврте од грб кон стомак. Зошто не оди фатено за мебелот кога има 11 месеци, додека малата на мојата пријателка веќе на девет месеци се качуваше по фотелји. Мислам, тоа не е добро, но зошто тоа не го прави и моето дете?
- Било каков неуспех поврзан со доењето
Некои жени едноставно се родени да дојат. Го ставаат бебето на градите и веднаш знаат што прават. Нема рагади, нема обиди и грешки и нема изгладнети бебиња. Сепак, овие жени се во малцинство. Останатите имаат реални проблеми. Некои мајки знаат како да го изгладнуваат своето дете со тоа што се обидуваат залудно да го дојат, па веднаш брзаат по шишето без да се обидат да најдат помош од чиста паника. Други се прашуваат како тоа толку многу боли, кога сите велат дека тоа е прекрасно и поврзувачко искуство.
- Давање на детето премногу шеќер во оброкот
Ви се брза и детето нема да го јаде здравиот и вкусен појадок што сте му го приготвиле. Од очај се согласувате на леб со крем, која прикриено ја јадете додека сите спијат.
Празници се, детето сака да јаде нешто опуштено, а и вие не сакате да готвите, па зошто да не се опуштите малку? Резултатот од овие грешки, кои веројатно почесто ќе ги повторувате, се хиперактивни деца полни со шеќер кои сигурно нема да спијат добро ноќе, а преку ден можеби само ќе ве полудат со својата енергија.
