Ако сте родител, сигурно сакате вашето дете да биде среќно. Но, тоа е лесно да се каже, а понекогаш тешко да се постигне, особено кога го имаме на ум советот кој вели дека треба да се спротивставиме на поривот да го расположиме детето кога е потиштено.
Истражувачите на среќата како Лори Сантос и Артур Брукс можат да помогнат. Тие се психолози од Универзитетот Јеил и Харвард и имаат три совети за родителите кои сакаат да одгледаат посреќно дете.
Научете го вашето дете дека негативните емоции се нормални и не се трајни
„Понекогаш сме вознемирени или тажни или анксиозни или фрустрирани и детето треба да знае дека тоа е нормално“, велат тие и додаваат дека ниедно дете не треба да се срами од чувства како лутина, тага или вознемиреност.
Не го учите детето да се плаши од светот
„Светот е полн со негативни работи, но ако се обидете да го подготвите вашето дете за секое можно сценарио, ризикувате да го исплашите. Тоа нема да го заштити детето, може само да го направи вознемирено и да ги намали шансите за успех“, објаснуваат психолозите.
Брукс вели: „Децата кои светот го гледаат како опасен и заканувачки се помалку здрави од нивните врсници, почесто се тажни, поверојатно е да бидат депресивни и помалку задоволни од својот живот“.
Обидете се да имате позитивно влијание бидејќи среќата е заразна
Брукс и Сантос се согласуваат за една клучна работа за среќата – таа е заразна. Кога родителот е радосен, големи се шансите да биде и детето.
