Додека просечната возраст за навикнување на нокшир е од 2 до 3 години, некои деца се подготвени со месеци порано, додека некои во пелени може да останат и до 4 години. Секое дете е поинакво.
Но, за среќа вашето дете само ќе ви даде знаци кога е подготвено да ги фрли пелените и да ја научи вештината на големките деца за користење на тоалетот.
ПРОМЕНА НА ОДНЕСУВАЊЕТО ВО ТОАЛЕТ
Кога детето ќе почне да стекнува контрола над работата на своето тело, прво што ќе забележите е дека бројот на валкани пелени се намалува. Тоа е зелено светло да почнете со навикнување на нокшир. Во тој период, децата често можат да одат на некое место во домот, каде сакаат да бидат сами. Не е исклучено дека ќе го затекнете своето дете како клечи во ќош или е само во својата соба, непосредно пред да изврши нужда во пелената. Ваша цел: Забележете кога нелагодно се движи пред да оди и нежно упатете го да седне на нокшир и да види што ќе се случува.
СЕ МЕНУВААТ НЕГОВИТЕ РЕАКЦИИ НА МОКРИ ИЛИ ВАЛКАНИ ПЕЛЕНИ
Како детето станува се повеќе свесни како неговото тело функционира, тоа ќе дава до знаење дека му треба промена на пелената, било со покажување, било зборувајќи дека извршило нужда. Тоа веројатно многу брзо ќе стане фрустирано и ќе му биде непријатно по нуждата, а можеби ќе се обиде и само да ја извади пелената. Можеби ќе ви биде чудно и непријатно, но можете да му помогнете на детето, така што ќе направите поврзаност со нокширот, дозволувајќи му да биде во тоалетот со вас, додека вие го користите.
ДЕТЕТО БАРА ПОГОЛЕМА НЕЗАВИСНОСТ
Кога децата стануваат самостојни, сакаат се да прават сами, а тоа вклучува и извршување на нужда. Оваа промена во однесувањето на детето е очигледна. Детето ќе викне: Јас сакам тоа да го направам“ и ќе одбива ваша помош при облекувањето пижами или други активности. Тоа се знаци дека детето е подготвено за навикнување на нокшир.
Никогаш не треба да го занемарите фактот дека сите деца се различни, и дека со присилување на детето да користи нокшир, пред да биде подготвено, нема ништо да постигнете. Трпението и ангажираноста се добитна комбинација.
