Фајзер и Бионтек започнаа меѓународна студија со 4.000 учесници за да се процени безбедноста и ефикасноста на нивната вакцина против Ковид-19 кај здрави бремени жени, соопштија компаниите.
Бремените жени се изложени на поголем ризик од развој на сериозен облик на Ковид-19, а многу здравствени работници изјавија дека некои жени во ризични професии земаат вакцини против коронавирус дури и без докази дека се безбедни за нив.
Жените ќе примаат вакцина помеѓу 24 и 34 недела од бременоста и ќе земат две дози во интервал од 21 ден, како што беше направено и во поголемото клиничко испитување
Минатата недела, Националниот институт за здравство на САД повика на поголемо учество на бремените жени и доилките во истражување на вакцините против Ковид-19.
Биоетичари, експерти за вакцини и здравје на мајките со години тврдат дека бремените жени треба да бидат вклучени рано во испитувањата на пандемиските вакцини, за да не треба да чекаат долго откако ќе бидат докажани дека се ефикасни кај општата популација.
Сепак, бремените жени беа исклучени од големите испитувања во САД за добивање на одобрение за итна употреба на вакцината против Ковид-19.
Производителите на лекови рекоа дека прво треба да обезбедат побезбедни и поефикасни вакцини за општата популација.
Во САД регулаторите бараат од производителите на лекови да спроведат студии за безбедност на бремени животни пред да ги тестираат вакцините на бремени жени за да се осигурат дека не му штетат на фетусот и не можат да доведат до спонтан абортус. Компаниите рекоа дека тие студии не откриле нови ризици.
Бремените жени во САД веќе ги добиле своите први дози на вакцината, соопштија компаниите.
Минатата недела, Националниот институт за здравство на САД повика на поголемо учество на бремените жени и доилките во истражување на вакцините против Ковид-19
Новата студија ќе тестира бремени жени на возраст од 18 години и повеќе во САД, Канада, Аргентина, Бразил, Чиле, Мозамбик, Јужна Африка, Велика Британија и Шпанија.
Жените ќе примаат вакцина помеѓу 24 и 34 недела од бременоста и ќе земат две дози во интервал од 21 ден, како што беше направено и во поголемото клиничко испитување.
Набргу по породувањето, учесниците кои добиле плацебо во испитувањето ќе имаат шанса да ја добијат вистинската вакцина, соопштија компаниите.
