Се чини дека елективниот царски рез е поврзан со поголем ризик од детска леукемија кај потомството, и тоа особено од акутна лимфобластична леукемија, покажала анализата на 16 студии.
Според мислењето на експертите, лекарите и бремените жени треба да ја подигнат свеста за потенцијалните штетни ефекти на елективниот царски рез врз здравјето на децата.
Инаку, неодамна објавени студии покажале дека децата родени со царски рез се предиспонирани за имунолошки посредувани болести подоцна во животот.
Акутната лимфобластична леукемија е вид на рак кој ги зафаќа белите крвни зрнца. Напредува брзо и агресивно и бара итен третман.
Извор: Hematological Oncology
