Денешните истражувања укажуваат на тоа дека развојот на мозокот кај човекот зависи од опкружувањето во кое детето расте и искуствата кои ги стекнува, исто толку колку и генетиката. Правилното постапување со бебето овозможува развој и остварување на полниот потенцијал на детето.
Мозокот мора од периферијата да прими доволна количина соодветни стимуланти, кои ќе бидат обработени како би се формирале нормални обрасци на функционирање, што се постигнува со правилно постапување со бебето во секојдневната рутина.
Една од рутините е и менувањето пелени, што се случува неколку пати во текот на денот и ноќта. Од начинот на кој возрсните го прават тоа, зависи и како бебето ќе се развива. Често повеќе внимание се посветува на тоа кои пелени се користат, од каков материјал е направена кремата, а многу помалку се води сметка за начинот на кој тоа се споведува со бебето.
Родителите за неколку дена стануваат вешти во менуавњето пелени, што најчесто значи дека тоа го прават се побрзо оти движењата се автоматизирани, а за бебето тоа станува непријатно искуство, оти нема доволно време да се прилагоди на сите промени кои тогаш се случуваат.
Останува без облека и пелена која го шитити, доаѓа до нагла промена на температурата на воздухот, контактот на голата кожа со подлогата за пресоблекување е изненадувачки, бришењето со влажни марамчиња или миење со вода е исто така голем стрес, оти се случува пребрзо и често без најава.
Врв на стресот е фаќањето за нозе и подигање на карлицата во воздух. Тоа прво значи дека бебето останува без потпора, што ги активира примарни рефлекси и ја засилува нивната активност. Наместо со тек на време да се интегрираат во потребјите движења, овие рефлекси и натаму се присутни, пто се одразува на спонтана активност на детето. Детето и натаму изведува брзи, нагли, непотребни рефлексни движења наместо насочени, побавни, целни движења со рацете и со нозете.
Втор негативен ефект на дигањето на нозете во висина при менување на пелената се микротраумите при истегнување на мускулите на грбот во лумбалниот дел и можните помрднувања на прешлените на ‘рбетниот столб. Овие повреди, иако не се видливи на оваа возраст, подоцна кај децата и возрасните може да се манифестираат со болки и неправилна положба на ‘рбетниот столб. Познато е дека најчестата причина за лекарска помош кај возрасните во светот е токму проблемот на болка и вкочанетост во лумбо-сакралниот дел од грбот.
Кога бебето при менување на пелената, се врти во положба на страна, тоа е најбезбедно, оти тоа истовремено добива и информации за правилни обрасци на вртења на страна и како од лежечка положба на грб, да се сврти на стомак.
Научно е докажано дека најголема пластичност на мозокот е 2-3 месеци и 6-8 месеци по раѓањето. Токму овој е и најважниот период во развојот на моторните обрасци кај детето. Со навршени седум месеци, додека е на грб, бебето само ја одвојува карлицата од подлогата и ги става стапалата во уста, Дотогаш е многу важно ова движење да не се изведува пасивно и со тоа да се загрози нормалниот моторен развој и трајни повреди до кои може да дојде со неправилно постапување со бебето.
