Илјадници итни царски резови и породилни или постпородилни компликации може да се избегнат секоја година, доколку жените во доцната бременост би се подлоѓиле на рутински ултразвучен преглед, покажало ново истражување.
Рутинскиот ултразвучен преглед во 36. недела од бременоста би помогнал во откривање на неправилна положба на бебето во матката, како што е на пример стоечка положба, што може да доведе до компликации за време на породувањето, се наведува во објавената студија.
Истражувачите посочуваат дека дополнително скенирање на мајчиниот стомак може да го намали ризикот од проблеми.
Тимот лекари од Универзитетот Кембриџ направил ултразвук во 36. недела кај вкупно 3.800 жени во Велика Британија кои биле второротки. Тие откриле дека кај 179 породувања, што е околу 5% од вкупниот број на жени кои учествувале во истражувањето, била пореметена положбата на бебето во матката.
“Проценуваме дека рутинскиот ехо преглег може да спречи околу 15.000 недијагностицирани промени во положбата на плодот во матката, над 4.000 итни царски реза и помеѓу 7 и 8 смртни случаи на новороденчиња годишно“, вели д-р Ед Вилсон, водач на студијата.
Дијагностицирањето на неправила положба на бебето во утерусот во ултразвучна метода во 36. недела, им овозможува на гинеколозите да се обидат детето да го вратат во правилна положба или, физички и психички да ја подготват жената за евентуален оперативен зафат.
