Бременоста е период кој е многу погоден за равој на бактерии, поради промените во имуниот систем на организмот, но и поради поинаквата биолошка флора во самиот родилен канал. Уреаплазма – е една од оние бактерии од кои бремените жени многу стравуваат, бидејќи може да предизвика инфекција на плодовата вода – кориоамнионитис, како и предвремено прскање на водењакот и предвремено породување. Овие бактерии се размножуваат на влажни површини, особено пешкири, во базен, сауна, салони за масажа, но и на на останатите валкани предмети за интимна употреба, Освен преку полов, инфекцијата може да се добие и преку контактен пат.
Што ја предизвикува?
Оваа полово пренослива паразитска бактерија може да се пренесе на речиси 40 од 100 бебиња што ги родиле мајки со уреаплазма. Уреаплазмата може да ги инфицира белите дробови на новороденчето за време на породувањето. Предизвикува и респираторни проблеми кај бебињата со помала телесна тежина и менингитис.
Симптоми на инфекцијата
Неплодност, зголемена честота на спонтани абортуси, предменструални симптоми како оскудно крварење меѓу два месечни циклуса, болка во карлицата, инфекции во гениталниот тракт – чешање, пецкање и исцедок. Од општи симптоми се истакнуваат хронично воспаление на грлото, камења во бубрезите, црвени очи и чувствителност на светло, артритис, главоболка, астма, крвава столица, болки во стомакот и пролив.
Превенција
За сексуално активно лице не постои апсолутно сигурен начин како да се избегне овој вид на полово пренослива болест. Се што ја нарушува pH вредноста на вагината и бактериската рамнотежа на овој орган може да доведе до појава на оваа инфекција. Од тие причини, вагиналната слузница треба да се одржува здрава со сигурен и заштитен полов однос.
