Доењето има многу придобивки за вас и за вашето бебе. Млекото ги содржи сите потребни нутриенти, обезбедува антитела кои спречуваат инфекции, штити од алергии, астма и обезност подоцна во животот. Доењето и вам ќе ви помогне побрзо да ги изгубите добиенти килограми во бременоста, но и да се заштитите од рак на дојка или на јајчници.
Сепак, доењето не е секогаш, а создавањето на доволна количина млеко може да претставува проблем. Најчестите причини за намалување на количината на млеко се несоодветна исхрана, внес на течности, замор, високо ниво на стрес, и ретко прекратко доење.
Ова се неколку начини како природно може да ја поттикнете лактацијата.
- Здрава антиинфламаторна исхрана
Планот на здрава исхрана подразбира поголема количина на овошје и зеленчук, полнозрнести житарки, омега-3 масни киселини од риба или од ленено семе.
- Пијте доволно вода
Вашето тело не може да создава млеко ако е дехидрирано. Потребна ви е поголема количина на вода отколку што мислите. И кога лекарот ќе ви предложи 8 чаши дневно, една плус нема да ви биде на одмет.
- Спијте секогаш кога можете
Трудете се да споите што повеќе часови сон во текот на ноќта. Дремкте во текот на денот, додека бебето спие, се идеални за одмор.
- Пронајдете начин да се ослободите од стресот
Работете на тоа да пронајдете техники кои ќе ви помогнат да го намалите стресот, како длабоко дишење.
- Побарајте помош
Обратете се до семејството и до пријателите за помош околу домашните работи, за да се фокусирате на доењето, а и да имате време да се одморите.
- Дојте го бебето што почесто
Колку почесто и подолго цица, вие ќе создавате повеќе млеко. Консултанти за лактација може да ве упатат во техники и положби кои ќе ви го олеснат процесот на доење.
- Природна помош
Чинија овесни снегулки дневно е сигурен поттикнувач на млеко. Иако многу мајки ќе ви кажат дека одредена храна им помогнала да продуцираат повеќе млеко, на ова поле не се направени многу истражувања. Затоа, балансираната исхрана е она кое најмногу ќе ви помогне.
